一大早由東京市區去東京迪士尼度假區®，晚上閉園後，又要搭車返去東京市中心嘅酒店。相信有好多人試過呢個經驗吧。喺樂園入邊玩咗成日出嚟，已經累到想即刻攤喺酒店床上，但係東京迪士尼度假區®內嘅迪士尼酒店嘅價錢又令人又愛又恨。呢個時候，你仲有另一種選擇，就係入住「東京迪士尼度假區®Official Hotels 公認飯店」。
關於東京迪士尼度假區®Official Hotels
東京迪士尼度假區®一共有6間列為Official Hotels嘅合作酒店，分別係①東京灣舞濱酒店 琺爾斯特渡假村 (Tokyo Bay Maihama Hotel First Resort)、②東京灣舞濱酒店 (Tokyo Bay Maihama Hotel)、③東京灣舞濱酒店 度假俱樂部 (Tokyo Bay Maihama Hotel Club Resort)、④希爾頓東京灣大飯店 (Hilton Tokyo Bay)、 ⑤東京灣大倉飯店 (Hotel Okura Tokyo Bay)、⑥東京灣喜來登大飯店 (Sheraton Grande Tokyo Bay Hotel) 。呢6間公認飯店，都鄰近迪士尼度假區海濱站。住宿遊客除咗可以用酒店來回迪士尼度假區海濱站嘅免費巴士接駁服務之外，仲可以喺酒店到買到保證入園嘅入場券，即使兩座園區人潮太多，實施入園管制時，都可以照常入園遊玩。我地一齊嚟睇吓呢6間酒店有乜嘢特色吧！
①Tokyo Bay Maihama Hotel First Resort 東京灣舞濱酒店 第一渡假村
東京迪士尼度假區®第一間公認飯店，獨具風格嘅客房設計好受歡迎。設計意念豐富，分別有歐洲城堡式嘅客房、令人置身美國西部拓荒時期嘅客房、同埋體驗做船長感覺嘅郵輪主題客房，各款房間實有間可以滿足您嘅要求。另一個特色係仲有好多平易近人嘅住宿套餐。
②Tokyo Bay Maihama Hotel 東京灣舞濱酒店
於2007年隆重開幕嘅Tokyo Bay Maihama Hotel係第6間東京迪士尼度假區®公認飯店。
圓形嘅外觀好搶眼。酒店入面嘅中庭高至11樓層，由中庭嘅玻璃屋頂灑落嘅自然光線，打造開放感十足嘅度假空間。
③Tokyo Bay Maihama Hotel Club Resort 東京灣舞濱酒店 度假俱樂部
打通至最頂樓嘅中庭非常有開放感，係一間可以令人忘卻日常，盡情享受度假時光嘅度假酒店。位於3樓嘅中庭大堂，有高達9層樓約37米嘅樓高，面積達4300平方米，堪稱日本最大規模。環繞中庭而設計嘅客房超過700間，每間都設有180度眺望戶外美景嘅露台。而「Tokyo Bay Maihama Hotel Club Resort」將於2020年4月29日結業，由5月1日起，將會由「GRAND NIKKO TOKYO BAY」接手，繼續為遊客服務。
④Hilton Tokyo Bay 東京灣希爾頓酒店
提供世界級水準嘅服務，坐擁海天一色嘅港灣美景。由窗門望出去就可飽覽東京灣、東京迪士尼樂園®、東京迪士尼海洋®嘅美景。可依照入住人數同埋需求，選擇唔同風格嘅房間，例如喺家庭房，就設置咗雙層床，而「Celebrio 精選客房」或「Celebrio 套房」嘅住客，就可以享用「Celebrio 酒廊」，為滿足唔同遊客嘅需求，提供多款客房同服務。
⑤Hotel Okura Tokyo Bay 東京灣大倉酒店
Hotel Okura Tokyo Bay係大倉飯店&渡假村旗下嘅一員，好似歐洲皇宮咁嘅酒店外觀，加上四季花卉點綴嘅酒店大堂，係一間充滿南歐渡假風情嘅酒店。係呢度可以享受舒適自在嘅高雅感，渡過一段心曠神怡嘅悠閒時光，感受海風吹撫。
⑥Sheraton Grande Tokyo Bay Hotel 東京灣喜來登大酒店
喺舞濱站附近，係第一間客房總數超過1000室嘅都市型度假酒店。入面有齊唔同嘅休閒娛樂同運動設施，最適合帶小朋友一家大細嚟住。另外仲有花園，可以悠閒咁散步。酒店入面有咁多設施，住宿嘅人可以享受舒適愉快嘅時光，係間有世界級水準嘅酒店。
無論邊間東京迪士尼度假區®公認飯店都好方便，特別推薦畀去東京迪士尼度假區🄬由朝早玩到晚嘅人。訂購東京迪士尼度假區🄬官方住宿行程「東京迪士尼度假區・假期套票」，仲會送贈可以慳返好多排隊時間嘅「快速通行券」等多項特典。快啲入住東京迪士尼度假區®公認飯店，盡情樂園區遊玩之餘，仲可以快速消除疲勞！
Comments