喺日本，經常會見到媽媽揸住單車，載埋小朋友一齊去買嘢，或者接送小朋友返幼稚園。呢啲前後都有購物籃，又可以加小朋友座位嘅單車，之前都有介紹過，叫「媽媽單車」。因為單車載埋小朋友，如果遇上斜路或者凹凸不平嘅路，就會揸得好辛苦，所以最近都好多媽媽要用「電動單車」。今次呢篇文章，就等我地嚟介紹高性能嘅電動單車！唔單止係媽媽可以用，唔想踩到膝頭痛嘅朋友仔都非常推薦啊～！
「電動單車」係乜嘢？電動單車嘅特徴與揀選方法
以電動摩打(Motor)輔助人力踩嘅單車，正式嚟講其實叫電動輔助單車。感應器會檢測踩踏板嘅力度同轉數，摩打就會根據資料嚟輔助使用者踩單車。如果要踩單車上斜或者載住重嘢、小朋友嘅時候，就會特別感覺到電動單車嘅好處。尤其時會喺需要特別用力踩嘅斜路會自動輔助。世界第一部電動單車係由YAMAHA MOTORS發售嘅電動Hybrid單車- YAMAHA PAS (Power Assist System)。雖然電動單車喺東南亞仍然未係好多人識，但喺德國、荷蘭、美國等地，已經慢慢開始普及。價錢方便大概7萬至15萬円左右。買嘅時候要留意電池嘅容量。通常充一次電可以行走大概30公里(8Ah)，但亦有可以行走54公里(16Ah)大容量電池。仲有，記得要確認架單車有無包保養。
Panasonic ViviEX (型號：BE‐ELE636)
Panasonic開發嘅購物用者系列Vivi Series嘅最高級型號。特別要提呢架單車配備咗大容量電池，充一次電可以用耐啲。另外仲有分3種使用模式，分別為Power Mode, Automatic Mode同埋 Long Mode。Long Mode嘅話充一次電可以行走100公里。咁樣就唔使成日充電，慳返唔使吓吓拎架單車返屋企入面充電嘅時間。而且，亦可以用隨身嘅電源佢開後輪鎖，唔使吓吓搵鎖匙咁麻煩。而為咗防賊，個單車籃設計係令封住睇唔到入面放乜嘢。前燈嘅照射範圍好闊，而且腳踏亦有燈，咁夜晚踩單車都可以好安心！
- 建議售價：137,800円（未計稅）
- 電池容量：16.0Ah、充電時間：約4.5時小時
Panasonic Gyutto Annys DX (型號：BE-ELAD032)
主要對象係可以載埋小朋友嘅「Gyutto」系列中，最人氣嘅型號。兒童座位用咗5點式安全帶座位，載小朋友時唔會太大負擔。後輪嘅鎖設計成好容易搵到匙孔，所以開鎖都好方便。而且單車軚嘅設計比較有厚度，行走喺上嚟好安定，載去小朋友都可以好安心。仲採用咗就算係細粒嘅人都可以輕易操縱嘅設計。
- 建議售價：139,800円（未計稅）
- 電池容量：16.0Ah、充電時間：約4.５小時
Yamaha PAS Ami (2019)
好有時尚感嘅城市用電動輔助單車系列「PAS Ami」。有6款車身顏色可以揀，包括Sakura Pink、Powder Blue、Snow White等。又可愛又型！喺功能方面，有好易睇用嚟確認時間同埋電池殘餘容量嘅「液晶5 Function Meter」，亦有喺暗嘅地方會自動著燈嘅「Auto Light」，同埋可以好多嘢嘅「大型單車籃」，坐得好舒服嘅「大型單車座位」，咁多方便嘅功能，用嚟返工返學都咁適合。
- 建議售價： 116,000円（未計稅）
- 電池容量：12.3Ah、充電時間：約3.5小時
※以上資料根據2019年型號。今後產品嘅型號及功能可能有變。
Yamaha PAS With DX
最適合用嚟出街買嘢嘅標準電動單車型號「PAS With」系列。呢個DX款 (Deluxe 豪華版)，講究細節嘅設計，細緻到座位嘅用料同車身嘅懷舊感覺，都畀人好高雅優質嘅印象。而單車籃就採用咗「籐籃風自然風格」，本身個設計特別之餘，仲可以放好多嘢，望落仲好文青添！而單車腳架同手掣仲用咗「Handle Stopper」嘅連動設計，如果個單車腳架放咗落嚟，手掣都會自動鎖住。而喺手柄位，就有可以睇時間同資料嘅大畫面「液晶5 Function Meter」。顏色方面有Powder Blue, Cafe Beige, Wine Red等6種又可愛又順眼嘅眼色。2020年最新型號仲用咗「Smart Power Mode」，可以自動發揮最好嘅輔助，變得更方便。
- 建議售價：116,000円（未稅計）
- 電池容量：12.3Ah、充電時間：約3.5小時
※以上資料根據2020年型號。今後產品嘅型號及功能可能有變。
Bridgestone bikke GRI dd
目標客群係湊仔人士嘅電動單車「bikke」系列，其中「GRI」型號嘅設計車身同顏色，就無論係爸爸定媽媽都好適合便用。可以喺Bright Olive, Dark Grey, Land Bridge等既特別又有型嘅5種顏色入面揀自己鍾意嘅。最大特徵就係附設嘅小朋友座位。可以選擇附加喺車頭嘅兒童座位，因為安裝喺手柄位置附近，可以安心安定咁行走。而設置喺後面嘅兒童座位，就用咗低台設計，方便上落車，而且係腰同膊頭都固定到嘅5點式安全帶，可以安心行駛。而且喺行走中按煞車掣嘅時候，同埋停止踩腳踏嘅時気，就會自動充電，非常方便。另外，如果要停泊單車嘅時候，因為後輪比較闊，所以好容易就可以企返架單車，唔會容易倒地。
- 建議售價：148,800円（未計稅）
- 電池容量：14.3Ah、充電時間：約4.2小時
※資料依據2019年12月初發售的2020年新型號
單車系列嚟到第5次連載。大家覺得電動單車正唔正呢？之後，我地會為大家介紹源自日本嘅「競輪」賽事。如果你有任何感想，都歡迎您喺右邊嘅留言欄話畀我地知。等您嘅聯絡。
Comments