去愛知縣搵龍貓！「吉卜力主題公園」 2022年即將開幕

《龍貓》、《天空之城》、《魔女宅急便》、《千與千尋》等，呢啲由吉卜力工作室出品嘅動畫，深受大人小朋友嘅喜愛。除咗位於東京三鷹嘅三鷹之森吉卜力美術館係吉卜力迷必去景點之外，位於愛知縣嘅「愛・地球博記念公園」，也即將喺2022年秋天出現一座「吉卜力主題公園」!

五大主題區帶您感受吉卜力世界觀

屆時，園區將劃分成五大區域，「青春之丘區」、「吉卜力大倉庫區」、「DONDOKO森林區」、「魔法之村區」、「魔女之谷區」，活用「愛・地球博記念公園」未使用嘅地區同埋原有設施，規劃一座新嘅自然公園。當中，「魔法之村區」、「魔女之谷區」則係預計喺開幕後一年之後先登場。

預計建造1棟科幻風格嘅電梯樓，會令人聯想到《天空之城》及《哈爾的移動城堡》。讓人一入場就彷彿置身處於作品世界之中。另外，亦會有《貓之報恩》中登場嘅「貓咪事務所」。

主打懷舊風格，結合日式同西式建築，除咗設置可容納170席嘅迷你劇院之外，亦有商舖、咖啡廳、展覽室等。大人小朋友都鍾意嘅貓巴士亦會喺呢區出現。

呢區嘅主題就係《龍貓》，主要賣點就係草子同次子之家，重現昭和時代嘅日本鄉村風貌，也將規劃出一條散步小徑，體會草子同次子喺大自然中生活嘅情況。

以《幽靈公主》中達達拉城和蝦夷村落為概念建造嘅區域，呈現電影中日本嘅深山感，仲可以喺呢度體會傳統嘅木炭燒烤。

呢一區建築以「北歐」美學為概念，重現《魔女宅急便》、《哈爾移動城堡》等電影場景中嘅建築，彷彿同哈爾一起旅行，同魔女琪琪一齊坐掃把送貨咁。

對於吉卡力迷來講，可以親眼見到動畫中場景真實呈現喺眼前，內心應該會好激動，係唔係等唔切，想2022年快啲嚟呢，現家就開始約定朋友，等到開幕時，一齊組團去吧！！