好多人冬天去日本旅行嘅話，都會專程安排滑雪或者係睇雪行程，但除咗呢啲行程之外，你知道其實日本嘅特色冬天藝術都一樣值得欣賞嗎？今次FUN! JAPAN編輯部就想為大家介紹喺新潟‧越後妻有地區舉辦嘅「越後妻有大地藝術祭 冬SNOWART」（「大地の芸術祭」の里 越後妻有 冬SNOWART）。遊客可以喺雪中睇煙花，同欣賞雪中特有嘅藝術作品，當然仲唔少得品嘗美食，推介大家人生中有機會一定要嚟一次！
越後妻有大地藝術祭 冬SNOWART
越後妻有大地藝術祭由2000年起，每三年舉辦一次，係世界最大型嘅國際戶外藝術祭。而每年喺冬天登場嘅就有「越後妻有 冬 SNOWART」，各位遊客可以透過作品了解喺豪雪地區生活嘅雪國文化，仲可以體會冬天獨有美感藝術。當中，最值得注目嘅係喺十日町舉辦嘅「越後妻有 雪花火/Gift for Frozen Village」！
越後妻有 雪花火/Gift for Frozen Village
與雪共生嘅雪國「十日町」係日本知名嘅豪雪地帶，每年嘅雪季都相當長，而喺十日町舉辦嘅冬季煙花大會「越後妻有 雪花火」，2021年經邁入第8年。屆時佔地廣闊嘅高爾夫球場上放煙花，喺無遮無擋嘅銀白雪地配上夜空嘅煙花同埋音樂，非常震撼。
雪地上嘅「光之花田」
入場時，工作人員除咗驗票之外，仲會向每位入場人士送上一粒LED燈，除咗可以用嚟當電筒之外，LED燈亦係藝術作品「光子種子」嘅一部分。遊客可以將LED燈埋喺雪地入面，當夜色逐漸低垂後，煙花施放會場嘅雪地上就會閃爍無數嘅彩色光芒。靈感源自藝術家構想，旨在希望到時嘅人可以同大型藝術作品有互動，參與其中。
喺煙花開始之前，你可先先去由主辦單位用心規劃嘅臨時排檔美食區，內裡有拉麵、雜煮、熱湯、串燒等各種當地特色料理，畀大家先暖下胃。雪中睇煙花，品嘗小食，加埋去浸溫泉，絕對係超歎嘅冬季旅遊體驗。由東京搭新幹線2個鐘，就可以進入呢個銀白嘅雪國。小編溫馨提示，去雪地時建議要穿著保暖防滑嘅雪靴，如果唔係嘅話，喺雪地上行走好危險，好易滑倒！
越後妻有雪花火/Gift for Frozen Village活動資訊
- 日期：2021年3月6日 （六）
- 地點：當間高原渡假村Belnatio
- 票價：成人2,000日圓、中小學生1,000日圓 (2021年一律必須網路事先購票，僅開放新潟縣居民入場)
- 交通方式：JR「十日町」站西口轉搭免費接駁巴士（當天會場周邊採取交通管制，禁止私家車行駛）
越後妻有大地藝術祭 冬SNOWART展期資訊
- 日期：2021年1月23日（六）至2021年3月14日（日）
- 地點：越後妻有地區（越後妻有里山現代美術館「KINARE」、松代雪國農耕文化村「農舞台」、當間高原渡假村Belnatio等）
- 票價：成人聯票2,000日圓、中小學生500日圓
- 交通方式：十日町站周邊
Comments