可以拍攝廣角嘅360度相機就越出越多，而家仲出到超細嘅微型版相機！講緊就係「Insta360 GO」。細細個好可愛，而且仲有日本限定嘅Hello Kitty款♡唔單止可以喺日常生活入面留住美好一刻，亦可以去旅行時拍攝靚相。FUN!JAPAN團隊就親身體驗用過，不如同大家一齊嚟研究吓有咩推介拍攝方法。
細細件好得意！而且仲可以戴喺身上輕鬆拍攝
Insta360 GO嘅賣點，首先要數佢夠細。只係重18.3克，一隻手掌都包得哂。用法亦都非常簡單，只要按一吓背景嘅掣就開始拍攝最長30秒片段，再按一吓就停止拍攝。
影完之後，仲可以用Insta360 GO嘅專用App嚟編輯檔案，個App會自動幫你搵出Best Shot 最美時刻。亦到可以加入音樂，製成型爆嘅影片。
Insta360 GO附有強力磁石，咁就唔使用手拎去都可以影。可以戴喺身上一面行一面影又得。而且有手震修正功能，就算喺搭緊車或者做緊運動時拍攝，都可以拍到無手震咁，片段好穩定好清晰。
仲有一個賣點喺好多付屬品。例如用自拍棍嘅話，就可以影到廣角嘅自拍，據說以廣角自拍，會影得個人瘦啲架。仲可以用專用App嚟編輯，調整顏色等，令拍攝人物望上去更加容光煥發。。
如果掛喺牆上面嘅話，就可以拍攝定鏡影片，例如教整嘢食嘅片段等。可能變成人氣美食KOL?!
推介①著和服去神社！
Insta360 GO可以用磁石戴喺身上，就算喺租返嚟嘅和服都可以戴住。咁就算著唔慣和服，行得步步為營時，都可以輕鬆咁拍攝到散步風景！唔使拎住大相機周圍走。
而且因為有Hyper Plus嘅功能，可以拍攝令人留下深刻印象縮時片段。如果拎嚟拍鳥居陣嘅風景，會相當震撼啊！
推介②高樓大廈俯望絕景！
東京喺全方位都有代表性嘅高樓大廈，用普通智能手機好難得哂全景。不過用Insta360 GO嘅話，除咗廣角之外，仲有手震修正功能，咁就算拍夜景都可以拍得清清楚楚，就好似上圖咁。
而日頭嘅話，就更加可以將極遠嘅建築物亦收入鏡頭內。
推介③人力車體驗拍攝！
如果將相機掛喺人力車嘅手柄上面，就可以用一個完全唔同嘅角度去欣賞日本嘅街景。不過要小心啲，如果整跌咗落地就恕不負責囉。
用日本限定嘅Hello Kitty款Insta360 GO，嚟留住喺日本嘅美好回憶吧！！
商品資訊
- Insta360 GO 特別版 Hello Kitty 套裝
- 26,200円 (連稅)
- 喺Insta360.com公式網站、全日本嘅電器舖(部份除外)，及各大電器舖嘅網站、AMAZON等亦可以預約。
Comments