喺日本講單車，大家好多時會諗起以單車代步返工返學。但喺日本就好多人會用「媽媽用嘅單車」意思嘅「ママチャリ(Mama chari)」，好多製造商都有出品呢類型單車。今次單車系列嘅第4篇，就等我地嚟介紹實用可愛嘅「媽媽單車」吧！
乜嘢係「媽媽單車」？媽媽單車嘅特點&揀法
日文「ママチャリ」直譯為意思係「媽媽單車」。即係指後邊有小朋友坐位，前面有買餸籃，喺日常生活可以用到嘅單車。唔同嘅製造商都有出售好多款式嘅媽媽單車。揀單車時有幾個重點，首先係製單車車身嘅質料，通常會用鋁合金、鋼、鋁鉬鋼等，唔同材質有唔同特點，但呢度比較推介唔易生銹嘅鋁合金。第二個重點係手柄同埋載貨部份嘅製造質料，呢個部份都係最好選較耐用嘅鋁合金。第三個重點就係有無得轉波變速，如果打算長期使用嘅話，最好都係揀有得轉波變速嘅比較好。仲有，要揀「BAA」嘅單車，即係合乎一般社團法人自行車協會嘅自行車安全基準嘅單車就最安心。
媽媽單車推介 其一 Kukka-Maaria
呢款係最適合每日返工返學用，無論乜嘢年齡性別都會鍾意嘅CityCycle。單車裝備咗性能好好嘅6段轉波變速，就算要上斜落斜都可以好暢順咁踩。另外都有自動LED燈，當條路變黑就會自動開，唔使驚唔記得開。而個剎車器亦唔會發出好嘈聲響，而且好耐用。而前面配置稍有弧度嘅握柄，可以保持舒服嘅姿勢咁踩單車。係一架無輪想慢慢踩定趕時間都可以好舒咁用嘅都市用單車。另外，每日都用嘅單車最著緊嘅都係「安全」。呢款單車已經拎咗自行車協會嘅安全基準合格證明「BAA」，可以安心長期咁使用。
■參考售價 ¥23,999 (未計稅)
媽媽單車推介 其二 FLOATMIX
用咗歐洲風嘅流線型設計嘅單車車身，非常醒目，係一款畀人時尚感覺嘅單車。唔知設計外型靚，功能方面都好優秀。單車坐位面積較大，坐得舒服啲。後輪上面嘅貨架，用咗「Class 27 Carrier」，可以最大負重27公斤。仲有天黑會自動著燈嘅LED燈，令人感到安心安全。而且腳踏亦輕，踩起嚟都好舒適。車身顏色仲可以揀Dark Brown, Dark Pink, Dark Green等9種時尚嘅顏色。車軚有分26吋或者27吋，兩款都分別有3段轉波同6段轉波可以揀。
■製造商希望售價 32000円～（未計稅）
媽媽單車推介 其三 Celesteno
單車車身設計簡約基本，顏色亦係好襟睇嘅基本色。因為呢個組合設計唔會令人生厭，所以係一款推薦可以長期用嘅City Cycle。典型打釘款闊墊設計嘅單車坐位，加上砲彈型嘅車頭燈，望落去時尚嘅設計亦係優點之一。LED燈係自動嘅，會根摢光暗感應而自動開關。夜晚就當然會自動開，日頭如果陰天唔夠光嘅話，亦會自動開。而且有明亮嘅車頭燈，夜晚行車都可以睇得好清楚。仲有6段嘅轉波變速。而且因為每日都會踩單車嘅話，更加要注意安全，呢款單車就取得咗自行車協會嘅安全基準合格證明「BAA」，可以放心咁長期用啦。
■參考價格 ¥24,480 (未計稅)
媽媽單車推介 其四 CONFITURE
cyma商品企畫部以「可以更容易買到嘅好單車」為概念，開發嘅女生用單車。佢同咗有3百萬用戶使用嘅女生健康管理APP「lalune」合作，根據實際女生嘅意見將「易用」同「可愛」放入咗單車設計入面。而女生用著緊嘅單車購物籃，設計成有37cm闊(籃底計)嘅大籃，咁樣返學返工嘅就可以將書包、公司包放入去，踩單車去購物嘅話，亦可以放多啲嘢。另外仲付有一個可以拆出嚟嘅天然材料織嘅藤籃，唔怕會跌嘢出嚟。單車車身設計比較底，方便著裙都可以容易上落車，車軚亦裝著防涉裙嘅裝置，無論著咩衫都可以照踩單車。另外亦裝置咗6段轉波變速同LED自動燈嘅標準裝備。除此之外，闊身嘅單車座位，加上容易握住嘅手柄套等各部分嚴格挑選設計，坐上去都特別舒服。
■參考價格 ¥22,800 (未計稅)
今次係單車系列嘅第4篇。大家鍾意時尚可愛嘅媽媽單車嗎？下次我地會介紹電動單車同埋單車賽事。有任何感想或者要求，都歡迎您寫喺右邊嘅留言欄到。
Comments