相信有唔少人知道「@cosme」呢個名，甚至已經幫襯過。其實@cosme (アットコスメ) 係一個介紹化妝品、護膚品等嘅日本美容綜合情報網站。內容唔單止有關於美容嘅BLOG，亦有產品嘅用家評價、排名，以及有關護膚同化妝嘅問答等，提供好多美容相關嘅情報。
作為日本最大嘅美容平台，@cosme喺2007年開始設立實際店舖。發展至而家，喺日本已經有23間舖，海外有8間(香港6間、泰國2間)。
互聯網與真實之融合 BY @cosme TOKYO
FUN! JAPAN帶畀鍾意美容嘅大家喜訊！負責營運特選化妝品店@cosme store嘅cosme next，喺2020年1月10日(五)開咗間新旗鑑店「＠cosme TOKYO」，就喺 JR 原宿站隔離，店舖以「一齊享受Beauty」走向世界嘅真實門口為主題概念。呢一間喺@Cosme store嘅第24間店舗。喺呢到有超600個品牌，2萬款唔同嘅產品售賣。今次FUN! JAPAN就同大家一齊嚟睇吓呢間最大嘅@cosme TOKYO有咩嘢咁特別！
@cosme TOKYO 有3層，由1樓嘅入口一入去，就會見到「Best Cosme Award Tower」歡迎大家。喺呢度，由藥妝店嘅品牌，到貴價百貨公司、專門店品牌嘅化妝品同護膚品都有售，有非常豐富嘅商品齊集。除咗有世界知名嘅「MAC」「Shu Uemura」「BOBBI BROWN」之外，仲有好受日本女生同埋外國遊客歡迎嘅「PAUL&JOE」，同埋非常咁可愛♥嘅「Les Merveilleuses LADURÉE」「Too Faced」等。
亦可以喺度搵到香水。而且唔止女性用，仲有男生同UNISEX嘅專櫃，男生嚟到可以輕鬆揀化妝護膚品，無壓力。
喺@cosme TOKYO入面，仲設有可以試用唔同品版產品嘅豪華Tester Bar，如果想買之前試用產品，就一定要嚟呢度！如果仲未知自己想買啲乜嘢，就可以參考「@cosme Best Cosme Award Corner」又或者「@cosme Weekly Ranking Corner」嘅商品。
WoW! @cosme TOKYO專有嘅特徵同服務
喺@cosme TOKYO入面，設有兒童遊戲空間同埋育嬰及餵哺母乳設施，所以帶埋小朋友嚟都唔使驚。仲有可以智能電話開鎖嘅智能儲物櫃，買嘢嘅時候可以先放低手提行李，輕鬆購物。仲有對應120個國家嘅外幣兌換機，免稅專用嘅收銀櫃位，同埋翻譯軟件系統等，就算係海外遊客都可以安心購物。
仲有好多有睇頭嘅特別展示櫃位！
今次、FUN! JAPAN就去咗 LANCOME嘅櫃位。呢度設置咗LANCOME嘅 Sample自動購買機！只要投入硬幤然後按掣，就可以拎走LANCOME SAMPLE！而喺體驗POP UP SPACE，就有店員好親切咁教大家用產品，非常值得去吓！
而喺3樓，就係特別會場、化妝間同埋可以悠閒休息嘅Lounge。仲有影相位，方便大家打卡呃LIKE。以為已經好豐富？唔止咁少驚喜，仲有酸素BOX畀經過一日疲累嘅客人refresh身心！
不過3樓嘅服務係只限APPS USER，如果想試吓嘅話，可以去3樓嘅接待處問吓詳細內容。@cosme TOKYO係一個無論男女老幼都可以去嘅新景點，打算嚟東京旅行朋友，不妨去返轉體驗吓～！
店舗情報
店舗名：@cosme TOKYO
- 開幕日：2020 年1 月10 日（金）
- 地址：東京都渋谷区神宮前1 丁目14 番27 号
- 營業時間：10:00～21:00
- 交通：由原宿站表参道出口步行1分鐘
Comments