日本國民美食—拉麵，深受訪日旅客嘅鍾愛。味噌、醬油、豚骨等口味眾多嘅日本拉麵，拉麵店更加係多不勝數。今次FUN! JAPAN為大家介紹喺東京惠比壽、六本木、原宿、新宿等繁華熱鬧地段都有分店嘅「AFURI 阿夫利」，喺一間舖頭內裝修好似cafe嘅時尚拉麵店。
關於「AFURI 阿夫利」
「AFURI」呢個名喺嚟自神奈川縣丹澤山系東方嘅大山（人稱：阿夫利山），拉麵嘅湯底用咗阿夫利山山麓湧出嘅清淨天然水嚟煮，所以命名為「AFURI」。
對於拉麵、沾麵嘅講究
「AFURI」提供多種口味嘅菜式，包含咗高人氣嘅柚子鹽拉麵、醬油拉麵、沾麵等等。另外仲推出季節限定口味、夏日限定同埋全素拉麵。使用日本產嘅雞隻、魚類、鮮甜嘅蔬菜等等嚴選食材，再加上阿夫利山嘅天然水細心熬製而家嘅湯底。喺略帶小麥香味非常高雅清新嘅細麵上，放上一片片炙燒嘅叉燒，仲有滑嫩嘅半熟糖心蛋，視覺、味覺、嗅覺上嘅誘惑三重奏，令人食慾大開。
每款都想食！「AFURI」招牌菜
一碗就足以代表AFURI！「柚子鹽拉麵」
呢碗柚子鹽拉麵嘅湯底清澈，散發住淡金黃色嘅光輝，遠遠都聞到清爽嘅柚子香味。
享受湯底原味「鹽味拉麵」
呢碗鹽味拉麵能夠細細品嘗清澈金黃色湯底嘅美味，簡單卻凸顯出食材本身嘅味道。
食全素亦能享受拉麵嘅樂趣「繽紛蔬菜全素拉麵」
大量使用咗鮮艷顏色嘅現摘蔬菜，特別為食素嘅人而設計嘅拉麵。由湯底到食材100%都係用植物來源，喺一碗將蔬菜本身嘅甘甜發揮到最大極限嘅拉麵。而麵條則完全無用雞蛋，加咗藕粉嘅麵條，令食素嘅朋友都可以安手享用。
※部分分店並無提供此菜式
依自己喜好挑選雞油同麵條種類
喺點拉麵時，可以選擇添加雞油，優質雞油能將濃郁嘅蔬菜香氣完整鎖住，令湯底更加濃郁同滑口。想要品嘗最好均衡嘅口味，可以選擇「淡麗」；想要食得比較香味濃郁，建議可選擇「濃順」。
餐牌仲可以依喜好更改麵條種類，「真空手揉麵」、「蒟蒻細麵」、「全麥麵條」等。
店舗情報
- 店名：AFURI 原宿
- 地址：東京都澀谷區千駄谷3-36-1 GRANDE FORESTA 1F
- 營業時間：10:00～23:30
- 休息：全年無休
- 交通：JR山手線原宿站徒步約4分鐘／東京Metro地鐵千代田線明治神宮前站徒步約6分鐘
全新品牌「AFURI 辛紅」
以AFURI引以為傲嘅清澈雞湯湯底為基礎，發展出「辛紅拉麵」，添加咗日本各種辣椒同山椒多種辛香料，創造出獨特辣味嘅拉麵。鍾意食辣嘅朋友，千萬唔好錯過。
任揀1丁目至10丁目嘅辣度
以清澈雞湯為基礎，添加鮮榨嘅柚子汁以及獨家調配嘅辣椒而誕生嘅「柚子辛紅拉麵」。湯底可以由1丁目至10丁目嘅辣度之中挑選自己鍾意嘅辣度（5丁目以上需額外收費）。當然「辛紅拉麵」亦可以選擇辣度。
仲有唔辣嘅口味
「AFURI 辛紅」唔止提供辣拉麵，仲有「柚子白醬油拉麵」同「柚子錦沾麵」等等溫和嘅唔辣口味，畀大家可以品嘗「AFURI」經典味道。唔擅長食辣嘅人，都可以放心嚟呢度食麵啊！
店鋪資訊
- 店名：AFURI 辛紅 新宿SUBNADE
- 地址：東京都新宿區歌舞伎町1丁目2-1 新宿SUBNADE 1丁目5番地
- 營業時間：11:00～22:30
- 休息日：依新宿SUBNADE嘅休日為準
- 交通方式：JR新宿站東口徒步2分鐘／西武新宿站徒步1分鐘／東京Metro地鐵新宿站徒步約1分鐘／東京Metro地鐵新宿三丁目站徒步1分鐘
Comments