日本有好多充滿特色嘅車站。今次，FUN! JAPAN編輯部嚟到全新改裝咗嘅東急電鐵田園都市線「南町田Grandberry Park站」，為大家介紹呢個車站嘅魅力所在！
超可愛嘅史努比喺月台迎接你！
「史努比博物館(Snoopy Museum Tokyo)」喺2019年12月於南町田Grandberry Park開幕，所以喺公園區內總只有7個地方擺設咗史努比像，一共有11座，其中有一座巨大嘅史努力就喺車站月台上，一落車嘅瞬間就可以同史努比相見，令人非常興奮。
而且喺車站嘅樓梯仲設置咗LED燈光藝術，就好似去咗主題樂園咁，非常有歡樂氣氛。
半開放式月台 空間寬敞明亮！
充滿開放感嘅寬敞空間，令人睇得清新氣爽！雖然車站離東京市區有啲遠，但呢度氣氛相當寧靜，能夠忘卻忙碌嘅日常生活。
設置休息區、乾淨整潔洗手間 讓乘客安心使用！
車站同購物中心直接連住，行完街，買完一堆戰利品之後，相信都好累。喺等車嘅時候，建議可以搵個坐位休息吓，又或者走入避寒用嘅月台候車室抖吓吧。洗手間就喺入閘之後唔遠嘅地方，日本乾淨舒適嘅洗手間，令人用得安心放心。
月台門設置完善。安全性高！
電車停靠嘅月台設置咗月台門，有效預防任何東西跌落月台，或者碰觸到電車車身。就算係人多擠擁嘅返工時間，乘客都可以安心搭乘電車。日本車站安全性同設計性都好高，考慮設計嘅時候，係為咗使用者可以搭得開心又安心。除咗南町田Grandberry Park站，不妨搵下日本有邊啲車站你鍾意嘅呢？
基本資訊
- 站名：南町田Grandberry Park站
- 地址：〒194-0004 東京都町田市鶴間3-3-2
- 交通方式：由東京「澀谷站」乘搭東急田園都市線急行電車至「南町田Grandberry Park站」，車程約33分鐘
Comments