只要見過一次就令人印象難忘嘅大阪象徵「太陽之塔」於1970年建立，係大阪府吹田市舉辦嘅日本萬國博覽會(大阪萬博)主題展館嘅一部份。大阪萬國博覽會閉幕之後，佢就繼續留咗喺萬博紀念公園入面。太陽之塔嘅內，喺呢半個世紀以嚟，原則上係一直緊閉大門，謝絕來客到訪。但喺2018年3月起居然開放參觀，成為常設嘅展覽場地。今次，FUN! JAPAN團隊就潛入塔內，為大家介紹呢個歷經半世紀都唔衰退嘅「生命能量」。
關於太陽之塔
喺漫畫同電影《20世紀少年》入面登場過嘅「太陽之塔」，係由藝術家岡本太郎設計，係1970年舉辦嘅大阪萬博象徵區嘅主題館一部分，同母之塔、青春之塔、大屋頂（長（南北）292米、闊（東西）108米、高約40米）同時建造。分為地上、地下同空中3層展覽空間，係最能夠表現大阪萬博主題「人類的進步與調和」嘅地方。
４張面孔：黃金之臉、太陽之臉、黑太陽、地底之太陽
塔頂嘅「黃金之臉」象徵住金光閃閃嘅光明「未來」，正面嘅「太陽之臉」就代表「現在」，而背面嘅「黑太陽」則代表「過去」。呢三張面孔，再加埋大阪萬博當時主題館嘅地下展覽嘅「地底之太陽」，一共有四張面孔。據稱「地底之太陽」呢件巨大嘅展覽作品，由大阪萬國博覽會閉幕結束後嘅拆除工作之後，曾歷經將近50年仍下落不明。今次重新開放來部參觀，就參考咗當時嘅照片及資料，將「地底之太陽」復原重現於世。
GO！係時候參觀太陽之塔內部啦！
一踏入去，出現喺眼前嘅係一整片設計圖展示，由岡本太郎製作太陽之塔時所繪製嘅素描設計圖。另外，喺塔入面亦可以由另一種角度欣賞太陽之塔令人意外嘅一面！
再往入面走，就會嚟到復原重建嘅「地底之太陽」。運用光雕投影技術，喺各種顏色燈光嘅照射下，地底之太陽會展現出唔同嘅表情面孔，投影咗當年地下展覽嘅模擬影像。
永不褪色嘅生命能量—「生命之樹」區域
喺塔入面，佇立咗一棵鐵鋼製造嘅「生命之樹」，高約41米，喺樹幹同樹枝上，一共有附住咗33種，夾埋183個生物(模型)，由變形蟲等原始單細胞生物、爬蟲類、恐龍到人類等等，眾多唔同嘅生命體，顯示咗生命進化過程。
參觀太陽之塔建議「事先預約」！如當日預約未滿，即場亦會出售當日券
太陽之塔每日約最多容納1,000人參觀，遊客可以事先喺官方網站預約購票。預約時用信用卡付款後，就係預約成功。而當日券嘅售賣狀況，可以喺萬博公園自然文化園嘅5個出入口（中央口、日本庭園前大門、東口、北口※目前關閉中、西口）同埋太陽之塔售票櫃台窗口設置嘅電子佈告欄確認當日預約狀況，如睇到有「尚有空位」嘅時間，就可以喺太陽之塔售票櫃台購買當日券。如果預約滿咗，就唔會有當日券出售。所以要確保可以入場參觀嘅話，最好係參觀日之前先做好事前預約啊。
景點資訊
- 名稱：太陽之塔
- 地址：〒565-0826 大阪府吹田市千里萬博公園
- 時間：10：00～17：00（最後入場時間16：30）
- 休館日：星期三 (4月1日～日本黃金週期間、10月、11月無休)
- 預約網站語言：日文、英文
- 預約方式說明語言：日文、英文、繁體中文、簡體中文、韓文
- 門票費用：成人720円、中小學生 310円 ※需另外支付萬博記念公園入園費用 (成人260日圓、中小學生80日圓)
- 交通方式：大阪單軌電車「萬博紀念公園站」下車步行約10分鐘
Comments