大家有聽過日本高知縣代代相傳嘅「YOSAKOI (夜來祭)」嗎？呢個夜來祭唔單止遍及日本，甚至擴展到全球，喺東京台場每年都會舉辦「DREAM 夜來祭」。FUN!JAPAN今次就去咗採訪第18屆「DREAM 夜來祭」嘅盛況啦！
高知縣嘅「夜來祭」係乜嘢？
配合住喺高知縣流傳嘅「夜來節」民謠音樂，跳創意舞蹈嘅祭典。每隊隊伍人數大概係幾十人至百五人左右，一邊拍住叫「鳴子」樂器，翩翩起舞。祭典開始嘅契機，據說係喺大概65年前，為咗振興景氣，高知市工商會議所開始舉辦。
「DREAM 夜來祭」係東京最大規模嘅夜來祭！
今年迎向第18屆的「DREAM 夜來祭」。每年以台場（東京臨海副都心）為主，規劃8個會場舉行。有6,000名舞者（踊り子）嘅熱情表演再加上100萬名觀眾齊集現場，現場祭典氣氛非常熱烈！而2019年11月下旬亦會去新加坡舉行，2021年則預定會喺美國紐約舉辦，將夜來祭嘅廣傳出外，係世界矚目嘅一大活動之一。
唔單止咁樣，呢個祭典仲同「橘絲帶兒童保護運動」、「愛護動物活動」合作，呼籲大眾關注社會各個議題。
夜來祭嘅隊伍特色？
夜來祭嘅特色就係學生嘅隊伍比較多。喺大學社團活動入面，夜來祭係相當受歡迎。今次我地亦見到「東京理科大學夜來部」等各大學隊伍嚟咗，人人臉上展現熱情洋溢嘅笑容，盡情展現自己嘅舞踏。
另外，仲有一個特色就係，唔單只係發祥地高知市，日本全國各地亦組成唔同嘅夜來祭隊伍。今次大會，除咗高知外，仲有北海道、東京、千葉等全國各地嘅隊伍一齊共襄盛舉。年齡層非常廣泛，一眾舞者嘅默契非常好，整齊劃一嘅舞步打動咗現場觀眾嘅心！
夜來祭嘅服裝亦係注目焦點！
無論邊支隊伍嘅服裝都非常靚，優美嘅舞蹈配合埋鮮豔顯眼嘅服裝，真係非常奪目，千祈唔好唔記得影低咁靚嘅畫面！
嚟日本玩嘅時候，如果咁啱係夜來祭嘅舉辦期間，就千祈唔好錯過可以一齊參加祭典嘅好機會。親自體驗一下日本經典祭典嘅精彩同魅力吧！【2020年DREAM夜來祭已決定於11月7日（六）、8日（日）舉辦】
Comments