一直係澀谷潮流指標嘅「澀谷PARCO」，歷經3年裝修後，終於喺2019年11月22日重新開幕！全新嘅澀谷PARCO，高19層，有超過100間服飾店，仲有首間任天堂官方專門店，喺開幕之前就掀起話題。保證令嚟東京嘅遊客行得盡興買得開心。今次FUN! JAPAN編輯部就喺云云嘅店舖中，嚴選咗幾間非去不可嘅舖頭做介紹，就等我地一齊去睇吓有咩係必行嘅！
澀谷PARCO必逛店舖①Nintendo TOKYO
「Nintendo TOKYO」係日本首間任天堂直營專門店。門口就已經企咗個巨大嘅Mario歡迎大家光臨專賣店。入面當然唔少得有多種限定嘅商品出售，仲有好多值得買返屋企就手信，例如有印咗「Nintendo TOKYO」LOGO商標嘅T恤（售價4,800円）等等。
澀谷PARCO必逛店舖②刀劍亂舞萬屋本舖
刀劍養成模擬遊戲「刀劍亂舞-ONLINE-」嘅官方周邊商店，除咗有出售好多限定商品之外，居然仲有賣真嘅日本武士刀！和室風格嘅店鋪，好日本風，好有魅力。
澀谷PARCO必逛店舖③Pokémon Center SHIBUYA
專賣寵物小精靈Pokémon嘅官方周邊嘅專門店 - Pokémon Center（精靈中心）亦喺澀谷呢度開咗分店唷！塗鴉花紋嘅比卡超公仔、Swarovski ®水晶比卡超手機殼等等，有多款限定商品等大家買返屋企。
澀谷PARCO必逛店舖④介紹東京最新文娛活動嘅「文化案內所」HOBO日文化（ほぼ日カルチャん）
喺4樓有「HOBO NIKKAN ITOI SHINBUN」嘅商店，就係大家熟悉嘅行事曆品牌—HOBO日手帳經營嘅。過去只可以係唔同文具舖搵嘅行事曆記事簿，以後就可以嚟澀谷PARCO專門店買到。除咗HOBO日手帳之外，舖頭入面仲有介紹精選嘅舞台、電影、演唱會、展覽等活動，亦放置咗唔同活動嘅宣傳單張同刊物，歡迎大家自由閱覽同索取。
而喺開幕期間，舖頭就特別向神奈川縣川崎市嘅藤子・F・不二雄博物館外借原畫，展出50週年展『「我是哆啦A夢」哆啦A夢的起源』（～2020年1月30日（四））嘅聯名商品。等你唔使去到川崎咁遠，都可以喺呢度買到限定商品。
澀谷PARCO必逛店舖➄未來日本酒舖／KUBOTA SAKE BAR
係呢間酒舖，除咗可以品嘗到「久保田」，仲有好多熱門話題嘅日本酒，如「WAKAZE」、「陸奧」等等。仲可以體驗「YUMMY SAKE」AI人工智慧嘅日本酒味覺測試服務。重點係，呢間舖頭嘅店長係台灣人~~有住豐富嘅清酒知識，可以用中文為您講解唔同嘅清酒，唔使怕聽唔明
想要知道更多舖頭詳細介紹，可以按下面網址閱讀相關文章：
澀谷PARCO必逛店舖⑥ 米和馬戲團
呢間「米和馬戲團」嘅主題概念係，令人食完可以恢復元氣嘅居酒屋。喺呢度提供好多稀有嘅野生鳥類、獸肉，甚至有用昆蟲製嘅料理唷。例如蟲蟲新地、鱷魚腳等，聽到個菜式名都已經令人嘩然、不寒而慄嘅料理等住大家。想要睇更多呢間舖嘅相同埋資料，可以睇下面相關文章啊～！
設施資訊
- 名稱：澀谷PARCO
- 地址：東京都涉谷區宇田川町15-1
- 交通方式：距離JR澀谷站八公口徒步約7分鐘
- 營業時間：商品售賣10:00～21:00、餐廳11:00～23:30 ※部分店舖營業時間或有不同
Comments