芝士迷超愛！Tokyo Milk Cheese Factory招牌海鹽芝士夾心餅、新宿限定超濃郁牛奶雪糕

Tokyo Milk Cheese Factory（東京牛奶芝士工場）係一家專門賣牛奶芝士嘅零食鋪，店家堅持使用嚴選鮮牛奶同高級芝士製造美味濃郁嘅小食。店舖內嘅夾心餅乾禮盒更加係大家去東京旅遊時必買嘅手信之一。其中海鹽芝士同蜂蜜芝士都係招牌人氣嘅口未。仲有牛奶芝士蛋糕亦係必買手信之一。鍾意芝士嘅朋友一定唔可以錯過！

1.海鹽芝士

兩塊餅乾夾住中間厚厚嘅芝士，非常紮實！最熱門嘅海鹽芝士味，據說個夾心餡係用咗法國頂級海鹽同卡門貝爾乳酪芝士製成，咬一啖，外層餅乾酥脆仲有少少奶香味，入口即化，而內餡嘅芝士就非常濃郁，細微嘅海鹽讓口感更得豐富，少少鹹少少甜，味道係口入面交織，整體非常合襯味，完全唔會覺得太甜膩。

2.Cow Cow雪糕

另外呢款新宿LUMINE分店（ルミネ）限定嘅「Cow Cow雪糕」（Cow Cowアイス）亦非常受歡迎。用咗北海道十勝牛奶同高達芝士混合製作成超濃郁牛奶芝士雪糕，而雪糕甜筒用嘅威化筒仲係每日即做，香脆口感配合濃郁嘅雪糕，真係食過番尋味！

© 妞新聞 www.niusnews.com