FUN! JAPAN咁多位讀者大家好！有助您嘅日本之旅變得更優惠更著數嘅d POINT，係咪已經有唔少讀者都已經註冊咗呢？
如果您仍然未註冊、覺得喺海外開設點數卡好有難度、又或者怕註冊手續太煩複…對抱有各種懷疑或不安嘅您，FUN! JAPAN編輯部已經為您精選咗一系列常見疑難！仲猶豫梗會員註冊嘅您，一於交畀FUN! JAPAN小編們為您導航，即使係首次註冊d POINT嘅人都完全無難度！
事不宜遲，等我哋即刻開始啦！
一次解答所有疑難！您都可以一秒變d POINT達人！
關於註冊：
Hi，Akane！幾日前我睇睇吓FUN! JAPAN嘅文章，咁啱畀我搵到樣叫做「d POINT」嘅嘢，心郁郁想註冊但又對第一次註冊日本嘅儲點數活動有啲不安…我想問係咪完全唔識日文都無問題㗎？
當然無問題啦！d POINT係專為方便海外遊客而設嘅儲點數計劃，註冊網站有齊英文、中文、韓文等多國語言㗎！
咁我就放心喇！想要註冊做d POINT會員嘅話，有無話需要啲咩特別要求呢？
只要係居住喺對象範圍12個國家．地區（截至2019年11月）內嘅外國遊客都可以登錄㗎！而且註冊會員時無需任何費用，鍾意日本嘅您絕對不容錯過！
咁我先註冊就一定無蝕底啦！註冊會員需要咩嘢手續呢？
首先到以下註冊頁面（d POINT會員註冊網站）輸入您嘅電郵地址及姓名等必要資訊，然後等到下次去日本旅行時、到docomo 國際櫃台等指定地點領取d POINT CARD實物，再綁定帳號就可以使用d POINT㗎喇！成個會員註冊流程只需要大概3至5分鐘，喺機場或其他地方等候嘅時候註冊就啱啱好啦！
※除咗羽田機場、成田機場、關西機場等機場內嘅docomo 國際櫃台之外，你亦可以到LOTTE DUTY FREE銀座店、京都塔關西旅遊訊息服務中心等地點領取實體卡。
註冊原來都幾簡單喎！但係我去到日本之後先註冊又得唔得呢？
梗係無問題啦！只要您可以連接到註冊頁面（d POINT會員註冊網站），就算您即場喺docomo 國際櫃台註冊都一樣OK！不過為咗避免網絡連線問題又或者櫃台出現大排長龍等情況，都係去日本前先註冊會比較好呢。
收到！我打算出機場之後就立即開始儲點數，點數係咪拎到張d POINT CARD實物之後就即刻可以用呢？
雖然儲d POINT係唔需要任何特別手續，但使用d POINT就需要先註冊。會員需要先將d POINT CARD背面編號綁定自己嘅帳號（d ACCOUNT）先能夠使用到累積點數，所以拎到d POINT CARD後記住儘快透過註冊頁面（d POINT會員註冊網站）追加您嘅實體卡編號呀！
關於點數：
註冊一切準備就緒！如果我想知邊啲舖頭可以儲d POINT，又應該去邊到睇加盟店嘅位置地址呢？
您可以透過瀏覽加盟店名單、又或店內貼有嘅d POINT CLUB標誌確認舖頭係咪d POINT加盟店。順帶一提，點數累積比率因店舖而異，部分店舖為每100yen可儲1分、亦有部分店舖為每200yen可儲1分，記得事先確認清楚喇！
咦，原來animate、松本清（Matsumoto Kiyoshi）等多種唔同類型嘅店舖都可以用到d POINT CARD呢！但實際上我應該點樣用張卡呢？
d POINT CARD用法非常簡單—您只要喺畀錢時向店員出示d POINT CARD就OK！記得畀錢前就要出示點數卡，否則就無法累積點數㗎喇！
如果我喺行程中途想使用累積到嘅d POINT，我應該點做呢？
d POINT會喺您成功畀錢後立即反映到會員帳號當中，所以您去下一間店舖嘅時候已經可以立即用到㗎喇。想要確認您所累積到嘅點數的話，您亦可以隨時到會員頁面確認。
※d POINT回饋或會出現延誤情況，敬請原諒。
講開又講，我下次會同屋企人一齊去日本旅行，我可唔以順便幫屋企人或朋友註冊呢？
由於會員係唔能夠幫屋企人或朋友代為註冊，所以記得開心share d POINT會員註冊網站畀佢哋喇！仲有呀，屋企人或朋友之間持有嘅點數亦係唔可以共享同埋轉移嘅。
明白晒！咁我即刻同屋企人分享先！
而家註冊都唔遲！同朋友一齊開心share註冊特典啦♪
各位讀者，唔知上述內容解唔解決到您對註冊嘅疑難呢？仲猶豫梗嘅您唔使兩頭望喇，即刻註冊d POINT CARD、為您下次日本之旅帶嚟更多著數啦！如果您對會員註冊方法又或使用方法有問題，我哋都歡迎您喺留言欄發問㗎。FUN! JAPAN將會全力解答您嘅問題！
按此註冊→→→
※會員特典內容或會有所變更
d POINT相關文章：
※服務介紹→ 免費註冊會員就可以有價值2000円嘅禮物？！唔好執輸，即刻加入日本d POINT CLUB！
※實戰篇→ 遊日必備極力推薦！FUN! JAPAN編輯部教您點用d POINT CARD先最著數！
Sponsored by NTT DOCOMO, INC.
Comments