大吟釀、吟釀、純米酒、濁酒等，日本酒嘅種類五花八門，光係揀酒就令人睇到眼花撩亂！今次FUN! JAPAN團隊介紹嘅酒舖，連初次接觸日本酒嘅新手，都可以輕鬆咁飲番杯啊。就位於改裝重新開幕嘅澀谷PARCO地下一樓嘅餐廳樓層，一間未來型態嘅SAKE精選店&BAR「未來日本酒店／KUBOTA SAKE BAR」。即刻為大家特別介紹呢度！
非主流，稀有嘅日本酒，都可以買得到嘅「未來日本酒店」
呢度係一間透過概念或者故事去挑選酒品為主題嘅全新SAKE酒舖，佢唔係依靠知名度或者種類去揀酒。到而家為止，已經有４間分店。舖入面賣嘅酒，當中包括咗「久保田」，仲有「WAKAZE」挑戰全新釀酒領域嘅釀酒廠、推出銘酒「陸奧八仙」，喺酒界中最頂級嘅釀酒廠等出品嘅酒都係精挑細選，種類齊全豐富，更有好多只可以喺呢度先買到嘅限定酒，係日本酒達人絕對唔可以錯過嘅酒舖。
樂酌日本酒調酒「KUBOTA SAKE BAR」
呢間酒舖打造輕鬆、時尚、帥氣咁享受日本酒嘅概念，多款罕見嘅日本酒，都可以500円一杯嘅價錢就可以試到。而配搭日本酒嘅送酒菜，亦只需要400円一碟。另外，仲可以試吓飲同日本酒「久保田」合作嘅原創調酒，用日本酒嚟調酒，配搭新穎，會顛覆您對日本酒嘅印象唷。
「YUMMY SAKE」尋找自己鍾意嘅日本酒口味
利用「YUMMY SAKE」AI人工智慧進行日本酒味覺測試務，開瓶試飲後以直覺輸入飲完之後嘅感想，AI人工智慧將會搵出符合你喜好嘅口味。咁以後就唔使話「揀日本酒好難」、「唔知道自己適合邊種宲」等，對於覺得揀日本酒有難度嘅人或者剛開始接觸日本酒嘅初學者嚟講，呢個服務真係超級貼心。
利用12種日本酒、再加上智慧型手機，大約15至20分鐘就可以搵出您嘅喜好。唔需要學習任何艱深嘅日本酒知識，只需要輸入基本資料，同埋試飲感想，就可以同適合自己嘅口味邂逅！
仲未飲過日本酒嘅人，或者覺得自己唔太擅長飲日本酒嘅人，不妨趁此機會，體驗一下嶄新嘅品嘗日本酒樂趣，搵出適合自己嘅日本酒吧！
唔怕語言不通 店長可以用中文溝通
未來日本酒店／KUBOTA SAKE BAR嘅店長，係個土生土長嘅台灣人。擁有豐富嘅清酒知識，如果對於清酒唔係太了解，店長會詳細為你解說。
店舖資訊
店名：未來日本酒店／KUBOTA SAKE BAR
地址：東京都澀谷區宇田川町15-1 澀谷PARCO B1F
營業時間：11:00～23:30
座位：餐桌座位12席、吧檯座位13席
Comments