2020迎鼠年米奇老鼠喺東京祝大家新年快樂

日本嘅新年，係慶祝新曆嘅1月1日新年。加上今年嘅生肖啱啱好係「鼠」年，所以新一年到東京迪士尼度假區🄬搵米奇同米妮，嚟過「鼠」年行大運亦係一個唔錯嘅選擇。就等FUN! JAPAN團隊同你介紹呢個限定得5日嘅新年特別活動！

米奇米奇身穿和服同大家拜年賀歲

2020年1月1日至1月5日期間，東京迪士尼度假區🄬將舉辦新年特別活動，同大家歡欣喜樂咁揭開新年序幕。呢段期間，東京迪士尼樂園🄬同東京迪士尼海洋🄬都會有「拜年賀歲」嘅迎賓表演。米奇老與同埋朋友們等迪士尼明星，會身穿日本傳統服飾登場，恭賀各位到場遊客新春如意。

米奇、米妮同其他迪士尼明星會坐有新年裝飾繽紛嘅花車、敞篷車，喺遊行路線上，齊齊恭喜祝賀遊客新年行好運！

米奇、米妮同一大班迪士尼明星，會乘搭經過精上裝飾嘅船隻嚟到地中海港灣，向遊客獻上新年祝福。

※娛樂表演有可能受天候等影響而臨時變更內容或取消

2020年適逢鼠年，米奇同米妮自然成為生肖代表，各園區入園口嘅「門松」等賀年裝飾，同埋園內各處，都可以見新年裝飾喔。東京迪士尼樂園🄬將於世界市集嘅入口處設置日本賀年裝飾「門松」同埋「注連繩」。

東京迪士尼海洋🄬嘅「門松」裝飾，就會出現喺觀海景大道入口處，米奇同其他迪士尼明星，身穿和服揮毫迎春嘅模樣，亦會出現喺旗幟裝飾上。

約60款日本新年風情洋溢嘅特別商品，亦會喺兩個園區登場。米奇揮毫寫下日文鼠年嘅「ね」，亦有迪士尼明星身穿和服恭賀新禧嘅可愛樣貌，全部都變成商品嘅款式。仲有呢段期間都可以買到米奇米妮不倒翁系列商品。

※販售期間為2019年12月2日至2020年1月8日

想睇到米奇同米妮等迪士尼明星身穿和服見客，就剩係可以喺「拜年賀歲」活動期間見到。加上今年生肖又係「鼠」，可以話係米奇同米妮嘅主場，新年期間造訪日本嘅朋友們，快啲衝去東京迪士尼度假區吧！