「BMX Freestyle」係2020年舉行嘅東京奧運會中嘅新項目之一。呢個項目有好多日本選手喺世界舞台活躍，相信喺東京奧運時會更加備受注目。今次我地就嚟一齊睇吓去欣賞BMX賽事時要知道嘅基本花式同埋點樣揀BMX嘅單車！
BMX（Bicycle Motocross）係乜嘢嚟？
「BMX」即係、Bicycle Motocross嘅簡稱，係使用單車嘅競技運動之一。BMX比賽，包括喺長約300至400米嘅賽道入面，選手比賽競爭先後順序嘅「BMX 計時賽」，同埋設置跳台等畀選手表演唔同嘅花式絕招「Trick」去爭高低得分嘅「BMX Freestyle」 。而後者就由於成為2020年東京奧運新項目而引起話題。而日本選手中村輪夢就中學生時期就轉做職業選手，備受期待希望可以獲取獎牌。
而喺「Freestyle」入面，仲有分「Flatland」、「Vert Ramp」同「Park」等唔同種類。喺奧運會入面，會採用「Park」嘅形式，即係喺「公園」入面設置唔同嘅跳台等位置，選手以跳嘅高度同埋難度、完成度等嚟比較得分。就好似花式溜冰咁，要喺指定時間入面表演唔同嘅Tricks，以難度、高度、編排同原創性等基準嚟分。
BMX Freestyle Park 嘅重點睇頭！
現場欣賞BMX Freestyle有三項主要嘅魅力。其一就係喺坐住單車喺空中打圈或者打筋斗嘅絕技，現場睇呢啲咁勁嘅花式技巧，真係會拼息靜氣咁緊張。其二係用單車跳嘅高度，用跳台表演花式技巧嘅時候，要跳到好高都完成技巧，有時可以高達成３至４米高。最後喺唔同選手會有完全唔同嘅比賽節目，編排嘅路線、跳高、花式亦完全唔同。根據選手嘅個性，畀觀眾嘅印像亦會完全唔同，真係好得睇出選手嘅創造力。
咁有睇頭嘅BMX Freestyle Park，就算喺首次現場觀戰，相信亦會被選手嘅速度同花式絕技所嚇到，肯定會緊張到手心出汗。
BMX嘅單車係點架？想買嘅話要點做？BMX嘅特徵同揀車方法
BMX除咗有分計時賽同Freestyle之後，Freestyle入面仲有分Flatland、Viet、Park等唔同種類，賽事種類唔同嘅話，用嘅BMX款式亦都唔同、當然價格亦可以好大分別。而所有BMX共同嘅特徵係，輪軚只有20厘米咁幼，前輪後輪都無變速或者入波，係好簡單設計嘅單車。由於好少會坐喺到玩BMX，所以座位嘅部份亦都好細。
第一次買BMX嘅話，最重要係要決定自己想挑戰邊個項目嘅BMX。然後就照自己嘅體型揀返啱大細嘅單車。因為練習嘅時候比較容易會跌倒，所以最好買可以加手把護套嘅款式。喺大型家品中心或者購物中心，有時會見到有2萬幾円就買到嘅BMX單車，但通常強靱度都唔夠，所以比較推薦初學者買大概預算4至5萬円嘅款式。
可以更有樂趣咁欣賞BMX！事前認識唔同「花式 Tricks」
喺睇奧運比賽之前，先預習一定「Park」呢個項目主要會比賽嘅花式(Tricks)吧！
- Superman…跳起時剩係揸住手把位，後面唔踏車板唔坐位，好似飛起嚟咁嘅姿勢。
- Backflip…跳起後向後轉
- Flair…跳起後打直同打橫各轉一次
- Front lift…最基上拉起前輪嘅花式
今次嘅文章介紹咗BMX嘅基本知識，但單車比賽嘅世界其實仲可以深入好多。下次我地再介紹其他單車比賽吧。期待你會係網站右面嘅留言欄話畀我地知你嘅意見同感想。
Comments