Tokyo Motor Show 2019剛剛喺10月24日至11月4日完滿結束。今次車展入面各車商亦花盡心思為大家帶嚟驚喜。等FUN! JAPAN小編為大家介紹呢啲最新嘅有趣車款吧！
咩話？！呢架竟然係用木造嘅車？
呢架係日本環保省展出嘅木造汽車！
無錯！推動活用纖維素奈米纖維(cellulose nanofiber)等次世代材料嘅企劃，研發製造出嘅新車款，用咗好多最先進嘅科技。
首先係纖維素納米纖維(cellulose nanofiber，簡稱CNF)呢樣材料，係源自木頭纖維，將纖維素細微化到納米級，進而研發出嚟嘅最先進有機材料。
由於源自植物纖維，所以喺生產或廢棄過程中，對於環境造成嘅負擔較細。輕盈係佢嘅特色之一，隨住溫度變化嘅伸展收縮度極佳，可以同玻璃相比，另外有效隔絕氧氣等氣體，呢種最近材料擁有相當卓越嘅功能特質。
呢款車打正旗號係為咗人類嘅未來設計，除咗佢嘅設計主題相當崇高之外，車身嘅設計亦唔遜色。
睇見呢款車，係咪忍唔住覺得要實現美好未來，唔單止要有規矩，有「玩心」同「有趣嘅創意」亦都相當重要呢？
如果你有任何關於未來嘅有趣想法，歡迎留言分享！
Comments