東京迪士尼度假區🄬嘅一大盛事「迪士尼聖誕節」開始咗喇！由2019年11月8日（五）～12月25日（三），呢座屬於大人同小朋友嘅夢幻國度，除咗每年備受矚目嘅遊行等表演項目之外，聖誕節期間嘅限定商品，亦係令迪士尼粉絲買到手軟、行到腳軟。FUN! JAPAN小編今次想同大家介紹今年有乜野必買商品，要讓大家荷包大出血。
東京迪士尼樂園🄬同東京迪士尼海洋🄬都買得到嘅聖誕商品
剩係限定聖誕節登場嘅「SnowSnow」雪人公仔，今年新加入咗「唐老鴨」同「黛西」，共推出約70種商品。當然，唔少得「Make It Mine」系列，可自己揀鍾意嘅衫同埋配件，製作一個獨一無二嘅公仔，無論係自己當作紀念，定係拎嚟聖誕送禮都好適合！
除此之外，湯杯套裝（1,800円）、米奇圖案泡泡洗手液（1,300円）等生活用品，同埋手信都一定唔可以錯過。
天啊！維尼扮成聖誕老人嘅公仔同掛飾，係唔係好可愛呢？更特別嘅係，聖誕維尼孭住個袋入面真係可以放小禮物！
（左）毛公仔 3,900円／（右）掛飾1,600円
另外，還有布魯圖造型帽（3,000円），拉一下耳仔就會識郁啊。
東京迪士尼樂園🄬限定商品
今年東京迪士尼樂園🄬嘅聖誕商品，採用復古設計，呈現出米奇同好朋友一齊坐著雪橇，喺樂園內享受聖誕節嘅情境，推出65種商品，例如喺屋企都可以享享受迪士尼聖誕節氣氛嘅玻璃杯套裝（2,200円）、紙巾盒（2,400円）等。
巡遊表演「迪士尼聖誕故事集」入面嘅造型，也變成咗可愛嘅公仔掛飾。另外，公仔手環，可以戴住喺巡遊時同迪士尼明星一齊玩，除咗米奇之外，今年仲新出咗米妮版。
公仔掛飾 各1,900円
公仔手環 各1,700円
東京迪士尼海洋🄬限定商品
東京迪士尼海洋推出咗 65 款特別商品，以港灣娛樂表演「聖誕喜來臨！」為設計概念，帶大家走入華麗嘅世界。米奇同米妮都著咗白藍色有啲似水手嘅聖誕服飾。今年，主角還有唐老鴨、黛西、大鼻、鋼牙同埋克莉絲。記住唔好錯過米奇同米妮跳排舞嘅歡樂場面，配埋閃亮金色嘅商品，仲有米奇米妮抱著鈴鐺嘅可愛造型公仔。
公仔掛飾 各1,900円（僅大鼻鋼牙為一組發售2,900円）
公仔掛飾 各2,200円
（上排左）隨身包2,000円／（上排右）相框2,800円
（由左至右）軟糖600円／掀蓋式手機殼3,600円
便條紙1, 000円／原子筆（4支裝）1,600円／筆記本（附書籤）1, 200円
Duffy & Friends' Winter Holidays
而去到東京迪士尼海洋🄬，Duffy & Friends嘅週邊商品就絕對係重點中嘅重點！今年聖誕節，Duffy & Friends會著住厚厚嘅冬天外套，毛茸茸咁喺雪中登場！除此之外，仲有Duffy同好朋友們嘅雪人造型同，同埋「絢彩聖誕」造型嘅公仔掛飾。鍾意Duffy嘅朋友仔應該會想掃哂全部返屋企吧。
Duffy & Friends 公仔扣針 各2,100円
Duffy & Friends'手機吊飾 各1,800日圓
「絢彩聖誕」造型嘅公仔扣針日 各1,900円（僅Stella 2,000円）
雪人襪子抱枕4,500円
即沖朱古力飲品 一樽5包 1,800円
只有東京迪士尼可以贏到東京迪士尼，呢個夢幻國度每次推出新商品，都讓人荷包大失血。今年有機會前往東京迪士尼度假區過聖誕嘅話，一定要買多啲，唔好之後嚟後悔！
※商品有可能在無預告的情況下，依各種情況有所調整，亦有可能缺貨或售完
Comments