聖誕節期間去日本旅行可以睇到各種夜間燈飾，充滿聖誕氣氛。而當中東京迪士尼樂園®及東京迪士尼海洋®喺11月8號（五）至12月25號（三）開始咗為期48日嘅特別活動「迪士尼聖誕節」，園區內以聖誕裝飾點妝，洋溢著聖誕節日嘅氛圍。今次FUN! JAPAN團隊就帶大家去睇吓東京迪士尼樂園®、東京迪士尼海洋®同迪士尼度假區線有啲咩聖誕裝飾可以影相打卡啦。
東京迪士尼樂園®
東京迪士尼樂園®嘅世界市集有一棵巨大聖誕樹，以黃金裝飾為主，非常華麗典雅。而夜晚亮燈後營造了一個充滿節日氣氛嘅環境，透過繽紛影像同聲光特效，讓你可以沉醉於東京迪士尼樂園🄬先有嘅夢幻氛圍當中。
灰姑娘城堡前嘅圓環設置咗多個園區裝飾。迪士尼明星著上聖誕裝束，一齊歡度聖誕節。除咗可以捕捉到拎住禮物走在街頭上嘅米奇同米妮，仲有坐喺禮物堆中嘅小飛象、小熊維尼等等迪士尼明星等緊你過去同佢哋影相！而且仲有SnowSnow版嘅白色米奇、米妮，冬季落雪嘅聖誕節先睇到㗎咋。
東京迪士尼海洋®
一到入口就見到各種聖誕裝飾，充滿聖誕氣氛，吸引好多人駐足影相。
東京迪士尼海洋®內嘅美國海濱地區，有一棵高約15米嘅大型聖誕樹，掛喺樹上嘅吊飾好似公主裙咁可愛。夜晚加上燈飾更浪漫滿分。而聖誕樹以豪華客船S.S.哥倫比亞號作為背景襯托下，影返張相真係夠哂夢幻呀！
而海岸公園入面亦有一棵聖誕樹，雪花結晶顯得非常華麗典雅。仲有黃金版米奇、米妮都係聖誕期間先會出現㗎。
喺同一地區，餐廳林立嘅大街上，美式建築以紅紅綠綠嘅聖誕花球裝飾，彷彿帶你回到20初世紀嘅美國小鎮大街，同各位遊客一齊熱鬧地歡渡聖誕！
夜晚嘅燈飾亦不容錯過。兩個園區內都佈置咗各種五光十色嘅霓虹燈飾，加上聖誕佳節氣氛隨著夜晚氣溫降低而變得濃厚，燈光璀璨，置身其中感覺非常浪漫。
迪士尼度假區線
迪士尼度假區線嘅車站上都有聖誕佈置，一踏入車站已經感受到迪士尼世界中嘅聖誕節。
而且迪士尼列車嘅車廂內唔只有米奇形狀嘅窗，仲有吊環上有白雪雪米奇耳仔造型，仲戴著聖誕帽添。真係好得意可愛呀！
冬天去日本旅行，除咗可以欣賞燈飾，仲好推薦去東京迪士尼度假區®感受滿滿聖誕氣息！
Comments