神道教係日本自古以來嘅民間宗教，無創始人，亦無教義，以隔入自然景觀，或者喺日本各地景色之中而建神社，神社入面祭祀嘅神明就係信仰對象。本文將會為大家介紹日本獨有嘅神道教，講解佢嘅宗教哲學思想、同埋神社入面負責侍奉神明嘅人—「神主」嘅工作，同埋神社鳥居嘅作用......
神道認為自然、人、物體等都皆可為神
喺日本，普遍認為神明寄宿喺世界萬物之中，包括神話中登場嘅神明，人物、動物、岩石等等，因此有「八百萬之神」嘅概念。「八百萬」呢個數字，其實係泛指多數，或者數唔到嘅意思，表示有好多神明嘅存在。
日本人對大自然抱有敬畏之心，同埋強烈嘅崇拜感情。例如富士山、三輪山嘅山之神、日本各地農村所祭拜嘅田地之神、廚房之神同廁所之神等等。前往日本各地神社參拜時，相信大家會驚訝，神社入面祭祀咗一啲諗都無諗過嘅神。
神主：神社入面侍奉神明嘅神職人員
「神主」係日本神社入面侍奉神明嘅職業，亦被稱為神職人員。通常係由神社總部擁有神職資格嘅人來擔任。神主嘅工作係向神明祈禱，例如消災、祈求健康等等，仲會執行一年中嘅各個慣例活動、祭典同各種儀式。另外仲要負責神社辦公室—「社務所」嘅業務同行政，例如神社嘅維護管理、打掃等等。
神社入面祭祀乜嘢嘅神明？
日本各地嘅神社祭祀咗各式各樣嘅神明。例如，伊勢神宮祭祀嘅神明，包括「太陽之神」、日本眾神中地位最崇高嘅「天照大御神」等等。出雲大社就祭祀咗日本神話故事中嘅「大國主大神」等。
喺日本各地嘅神社之中，以祭祀蛇嘅「白蛇神社」同埋祭祀狐狸嘅「稻荷神社」嘅數量最多。另外，仲有一啲比較奇怪嘅神社，例如「貧乏神神社」，目的係驅除潛伏喺自己內心之中嘅貧窮之神。對於想要擺脫內心貧窮嘅人，推薦去呢座神社參拜。
代表神社大門嘅「鳥居」—神明通道
日本神社嘅「鳥居」，係用嚟劃分神社嘅神域，同埋神域以外嘅俗世。鳥居有啲設置喺神社境內，亦有一啲設置喺境外，穿過鳥居後，就等同進入神明領域。另外，喺穿越鳥居之前，應該要停下腳步，鞠個躬，表示對神明嘅敬意。離開時亦應該要轉身向鳥居鞠躬行禮。由於鳥居中央係神明通過嘅道路，所以要避開中央、靠左右兩邊走會比較好。
Comments