柔道有唔同嘅招式，例如投技、手刀打、巴投等技術，仲要咗腰帶顏色嚟分唔同級別程度。柔道係奧運比賽項目之一，源於日本而廣為世界認知嘅運動。呢篇文章將會介紹柔道點樣創立，同埋佢嘅歷史。
柔道創始立人成立「講道館」— 柔道歷史
柔道嘅始祖係「嘉納治五郎」，「柔道」喺改良咗日本古代戰鬥方式「柔術」，目的唔係單為取勝，仲係為咗鍛鍊精神同埋塑造人格。嘉納治五郎將柔術各流派嘅優點整合，仲成立「講道館」嚟教學同埋研究柔道。嘉納治五郎嘅柔道唔單止喺日本，仲推廣至歐洲，促進柔道國際化。發展至今，國際柔道聯盟嘅加盟國已經有成199個國家同地區。
柔道始創者喺講道館宣講柔道理念
嘉納治五郎提出嘅柔道精神係「精力善用」同「自他共榮」。首先係要確保身心處於最佳狀態，利用對手嘅力量轉為自己嘅力量。第二個原則係表明使用自己同他人嘅力量，一齊嚟幫助社會繁榮同發展嘅重要。
柔道點樣計分？點樣運用唔同招數技巧嚟取勝？
柔道係奧運比賽項目之一，有國際通用嘅規則。一場比賽時間，男女都係4分鐘。柔道係一個非常注重禮儀嘅運動，每場比賽開始前同結束後，都要向對手鞠躬行禮。柔道比賽有「一勝」(一本, ippon) 同「半勝」(技あり, waza-ari)兩種得分。
柔道比賽中的「一勝」需滿足投技嘅四個要素：「1.控制對手」、「2.將對手摔成肩背著地」、「3.力量」、「4.速度」。使用「寢技」技巧嘅話，如果可以將對手嘅背部同埋雙肩固定喺墊子上20秒就算「一勝」，10秒就係「半勝」。如果能夠符合投技「四個要素嘅其中兩個」，都算「半勝」。只要取得「一勝」就算獲得勝利；取得兩個「半勝」等同拿下一勝。另外，仲有「犯規輸」 (反則負け)嘅判定。
柔道腰帶顏色代表乜嘢？
柔道服上會佩戴腰帶，根據級別，有唔同嘅顏色。青少年同成年組嘅顏色唔一樣。青少年組，初心者係白帶、５級係黃帶、４級橙帶、３級綠帶、２級紫帶、１級茶帶。而14歲以上嘅成年組，４級以下係白帶，１至３級係茶帶，而初段至５段就係黑帶，到再高段數，６段至８段就會係紅白帶，而９段同１０段就係紅帶。級數同段數的排法都有少少特別。級數係由5至1級，數字越細越強，而段數就由初段至10段，數字越大越強。級數段數，係根據個人嘅比賽成績、實力、年齡、修行年數等幾個唔同標準去決定。
Comments