喺日本落地生根嘅儒家思想：江戶時代德川幕府指定官學

儒家係一種哲學思想體系，公元前6世紀由中國孔子所創立。即使經歷2500年到而家仍然繼續影響緊東亞各國。儒家思想喺德川幕府時代傳入日本，然後發展成叫「朱子學」嘅一門學問，進而落地生根。本文將介紹儒家喺日本嘅歷史同埋對日本嘅影響。

日本人所學嘅儒家思想

儒家係中國春秋戰國時代嘅思想家「孔子」所創立嘅一種哲學思想體系。當時嘅中國本土分成幾個好國家，戰爭不斷。喺呢個時代背景下，孔子認為統治者唔應該使用武力，而係應該以古代聖王賢君嘅政治原則作為理想，奉行以德治國嘅思想。

儒教提倡遵守「仁、義、禮、智、信」嘅五常之德，仲鼓勵大家維持「君臣、父子、夫婦、長幼、朋友」嘅五倫關係。而五常係指對人要仁慈（仁）、崇尚正義（義）、長幼有序（禮）、勵志勤學（智）同信守承諾（信）。

513年，百濟（古代的朝鮮半島）嘅五經博士將儒家帶入日本。但係，據日本史書《古事記》嘅記載，儒學傳入日本係於5世紀左右。儘管儒家喺日本嘅歷史悠久，但當時就反而未級後期傳入日本嘅佛教等宗教思想咁被廣泛傳播。

由儒家發展而成嘅朱子學，喺於鎌倉時代（約1200年）重新傳入日本。自此，儒家思想成為僧侶同貴族嘅學習項目。去到江戶時代，將坐禪等實行方法去除，變成咗純學問嘅「朱子學」同「陽明學」，儒家就由當時嘅佛教體系中獨立出嚟。儒家喺日本落地生根至今，已發展出同中國、朝鮮半島等唔同嘅形式。

至江戶時代為止，儒家思想作為一種學問，廣受知識份子嘅推崇。而喺近代日本，就算平民百姓，都有浸透以適合日本人嘅方式流傳嘅儒家思想。如今日本人遵守秩序、勤奮同信守承諾等等美德，相信都係根源都同儒家思想有關。