喺日本有機會可以參觀寺廟或禪修體驗時。去參觀寺廟之前，可以了解係屬於什麼宗派，同埋佛教傳入日本嘅歷史宗派，咁樣去睇佛教寺廟就更加容易理解，有深一層體驗。因為寺廟、佛像、禪等等，都係以佛教教義為基礎而出現。呢篇文章文將會介紹日本佛教嘅歷史、教義同埋寺廟。
佛教係點樣嘅宗教？傳入日本嘅佛教有唔同派別？
佛教係古印度嘅釋迦牟尼喺公元前5世紀〜6世紀左右創立嘅宗教。佛教喺公6世紀時，由印度經由亞洲各地傳入日本。喺佛教入面，有一種「輪迴轉世」嘅概念，相信人死後會重生，而且一次又一次咁重複。雖然生死輪迴係痛苦，但佛教認為可以透過修行實踐，減少煩惱同慾望，達到「開悟」，以擺脫輪迴。
經過長年歲月嘅演化，佛教分成幾種體系，傳入日本嘅係大乘佛教。喺大乘佛教入面，唔單止追求自己悟道，仲要救助眾生先可以成佛。日本佛教有各種宗派，包括淨土宗、淨土真宗、日蓮宗等；仲有以坐禪為主要修行嘅臨濟宗、曹洞宗等等。
佛教點解會喺日本廣傳？佛教同神道教之間嘅關係？
喺佛教傳入日本之前，神道教係日本嘅原有宗教信仰。係神道教廣傳嘅情況下，佛教亦然被日本接納，係因為有支持推動佛教嘅豪族「蘇我氏」，打敗咗反對佛教嘅「物部氏」。但係，神道教嘅信仰並無因為佛教傳入而消失，所以由佛教傳入開台，日本就建立咗一個同時有兩種宗教信仰嘅文化。
呢種雙重信仰體系，仲可以歸因於神社同寺廟經常建喺同一個區域內。喺明治時代，由於政府頒布咗「神佛分離令」，將佛教同神道信仰分離，神社同寺廟先被分開，但係日本人嘅習慣並無改變。所以，到而家仲會有好多日本人喺祈求兒童健康成長同埋新年時會去神道教嘅神社參拜，但又會喺佛教嘅寺廟中舉行喪禮葬儀或法事。如果奇怪點解咁多日本人會同時信神道教又信佛教，其實睇返佛教傳入同發展嘅歷史就可以理解多啲。
現代日本佛教同寺院
好多佛寺嘅大殿都係用金色造華麗嘅裝飾。金色係代表佛陀無盡嘅光輝，同埋極樂淨土嘅世界。日本擁有世界上最古老嘅木造建築「法隆寺」，喺日本被列入世界遺產嘅寺院就有將近30間。另外，寺院內嘅住宿設施，日文稱為「宿坊」，由於可以體驗禪坐、抄經、素食料理等等文化，亦非常受歡迎。嚟日本旅遊時，都好推介大家可以體驗吓日本佛教嘅世界。
Comments