從東京出發即可輕鬆到達嘅茨城縣擁有豐富大自然景觀，例如大洗磯前神社、袋田瀑布等絕景，以及國營常陸海濱公園、牛久大佛等本極具視覺震撼嘅觀光景點，相信凡係到訪過當地嘅遊客都會忍唔住瘋狂影相打卡！如果係自駕遊客的話，就更可以上山玩海玩足一日、行程非常充實！而本文，將要為大家介紹茨城縣2019年新開幕以及重新裝修嘅3間推介酒店。
1. 大洗公園酒店
「大洗公園酒店」係一間度假酒店，酒店周圍被大海及松樹林圍繞、環抱豐富大自然景，而且與日本規模數一數二嘅水族館「大洗水族館Aqua World」倥距離3分鐘步程，交通非常方便，保證可以帶您遠離城市喧囂、好好放鬆一番！
酒店客房走時尚新古典風格，住客可以於房內俯瞰廣闊大海，部分客房更可以讓您近距離身感受松樹林；而最頂層則設有能夠同時享受海景及松樹林景觀嘅豪華客房。
住客可於酒店餐廳品嚐到使用當地新鮮蔬菜製作而成嘅意式微溫沙律、由常陸太田出產越光米等精選食材製作嘅會席料理等等。從11月到隔年3月，當地名物「鮟鱇會席 (あんこう会席)」料理更堪稱頭號必食美食！
酒店另一大賣點，就係您可以於大型浴池內享受溫泉。您都不妨嘗試一下呢個具有高度保濕效果、泡浸後可以保持皮膚濕潤嘅溫泉，治愈日常疲勞啦！
酒店資訊
- 名稱：大洗公園飯店 (大洗パークホテル)
- 地址：茨城縣東茨城郡大洗町磯濱町8249-10
- 交通方式：大洗站→計程車約10分鐘、巴士（大洗水族館行）→大洗水族館...步行2分鐘
- Wi-Fi : 有
- 信用卡：可以使用
2. Comfort Inn鹿島 (コンフォートイン鹿島)
「Comfort Inn鹿島」房型提供設有一張大雙人床嘅雙人房以及適合與家人或朋友一齊入住嘅標準雙人房。
所有客房內都配備與床具製造商共同開發嘅獨家枕頭“Choice Pillow”，確保為客人打造舒適睡眠。
酒店另一貼心服務，就係會免費提供新鮮即磨咖啡及檸檬水作為迎賓飲品；免費提供嘅早餐則包括新鮮出爐嘅麵包等餐點。
酒店備有免費停車場，非常適合租車前往茨城縣旅遊嘅自駕旅客。
酒店資訊
- 名稱：Comfort Inn鹿島 (コンフォートイン鹿島)
- 地址：茨城縣神栖市掘割2-1-23
- 交通方式：鹿島神宮站→計程車約12分鐘
- Wi-Fi : 有
- 語言：英文
- 信用卡：可以使用
3. APA飯店 茨城古河站前
「APA飯店 茨城古河站前」距離JR東北本線與宇都宮線「古河站」僅需5分鐘步程，地理位置相當方便（歷史老街「古河」係一個擁有歷史古蹟、美術館等觀光景點嘅地區）。
酒店於2019年3月新開幕，並引進50吋大型液晶電視及Wi-Fi等最新設備。
由營養師主理、營養均衡嘅早餐亦大受住宿客人好評！
酒店資訊
- 名稱：APA飯店 茨城古河站前 (アパホテル 茨城古河駅前)
- 地址：茨城縣古河市東本町1-21-12
- 交通方式： JR東北本線・宇都宮線古河站...徒步5分鐘
- Wi-Fi : 有
- 語言：英文
- 信用卡： 可以使用
Comments