※本篇文章刊登於 2016年11月 ※
喺呢個數碼年代，似乎已經無需要再有任何手作仔，手寫字，電郵己經代替左寫實體信郵寄。
但係，世界上卻有好多人「背道而馳」，開始將「書道」作為新興趣。當然呢個只係興趣，唔需要去到有專業水平，畢業唔係喺工作上用到嘅野，除非你係設計師或者書道家。
問題嚟了，咁究竟係乜野吸人左時下嘅人重新去開始「書道」呢項傳統藝術呢？下面一齊嚟睇下呢5個理由 。
被傳統藝術吸引嘅5個理由
1. 睇起嚟好靚好好睇
書道係公認好睇嘅。人好容對無感情嘅機械文字生厭。當然印出嚟嘅字係好實用，呢個亦係你而家可以對住手機／電腦畫面可以睇到呢篇文章嘅原因（除非你係印左呢篇文章出嚟，咁我真係唯有寫個服字）。不過雖然印字好，但手寫字嘅魅力在於每個都係獨特，書道不單寫出嚟嘅作品靚，由寫嘅時候已經係藝術。書道嘅作品仲可以用嚟裝飾自己屋企，培養術素養。
2. 係學習漢字嘅好方法
雖然用中文學習成長嘅人來講好似無乜用，但對於唔識漢字嘅人來講，書道就係開始學漢字嘅一個好方法。係東亞源頭嘅語言好多時都同漢字有關連，外國人學書道就可以學到漢字，亞洲人學書道都可以令自己更深入了解自己嘅語言同文化。而且每個漢字都有著自己獨特嘅意思，就好似希臘嘅象徵圖紋一樣。
3. 書道可以為頭腦帶嚟靈感
書道係可以鍛鍊頭腦同手同時並用。操控毛筆書寫時用腦嘅部份，同拼寫文字時用腦嘅部份係分別屬於唔同嘅區域。同時用兩個部份係可以令頭腦帶嚟新刺激，令頭腦更靈活，會容易生出前人未創嘅新想法。
4. Steve Jobs都愛
據說見過Steve Jobs都已經夠勁，咁學埋Steve Jobs都學嘅書道應該就無敵。Steve Jobs愛西式書法係人所共知嘅事實。佢讀嘅大學有書法呢門選修科，係云云咁多嘅選修科目入面面，Steve Jobs都揀左西洋書法，證明佢對呢門藝術幾咁感興趣。話唔定Apple而家嘅成功都同Steve Jobs學過書法有關(笑)。
5. 簡單來講就係有趣
大家試下回想細過時上美術堂，係咪都曾經有試過急不及待咁拎起筆，想畫低自己諗嘅野呢？書道其實就係同美術差唔多，只係用一個不太習慣嘅筆去挑戰唔同的「畫」。書道聽起嚟雖然係傳統經典，可能有人怕一涉及傳統就好多規矩好複雜，但其實書道係相當自由，只要有毛筆同墨，幾乎係任何人都可以享受嘅藝術樂趣。我地唔需要按教科書去寫，亦唔需要練習到成為專家。只係將書道當成娛樂咁樣，相信會感到有趣好多。
以上為你整理左學書道嘅理由，或者你有更多好嘅理由想同我地分享。總之，今次嘅重點就係想大家試下拎起毛筆，開始學習享愛呢種傳統藝術！
Comments