講到日本最北嘅「北海道」，大家腦海內或者會即刻閃過雪或溫泉嘅畫面，但其實5~9月嘅北海道既綠油油又涼爽爽，風景超級明媚,，最適合呼吸新鮮空氣再乘風去！FUN!JAPAN今日就要同大家分享北海道單車遊攻略，話你知點樣一邊踩住單車欣賞北海道誘人絕景、一邊乘風遊走深度角落，玩盡北國國度！
初心者都可以玩得輕鬆又放心！溫馨小貼士大放送
北海道道路既寬闊車輛又少，單車遊旅客往往可以喺車站附近輕鬆啟程。
想出發但心大心細唔知自己揀邊條路線,「Hokkaido Cycling Tourism Guide」已經為您貼心地分好「初級者」~「上級者」嘅不同推薦路線。要欣賞到非一般「絕景」,品嚐獨特「美食」「溫泉」等行程之餘，仲想用自己嘅步伐去遊走各個景點，唯有「自踩單車遊」！無論係一個人定同屋企人朋友，都適合踩住單車遊玩盡「北海道」㗎！您都即刻企劃定下個旅程，揀條啱自己嘅路線出發啦!
想搵當地景點路線、注意事項、所需時間等資訊？只要點去「Hokkaido Cycling Tourism Guide」就可以一手掌握!！輕鬆大玩特玩北海道就要記得Mark低佢啦１
事不宜遲，FUN!JAPAN嚴選「一生人至少想去一次」嘅風情迷人地帶+景點大公開！
置身「朱鞠内湖」當中，令人不禁想大叫「我戀愛喇！」
「朱鞠内湖」,湖面面積達23.73平方公里，係日本最大嘅人工湖，並於1974年被指定為道立自然公園。雖然係人工湖，卻有一種仿佛置身於北歐湖畔嘅感覺，四周被自然豐富景色暖暖包圍著，沉醉於大自然以及和諧美麗景觀之中非常寫意。一邊踩住單車一邊享受森林浴，暫時離開都市嘅高樓煩囂，係咪非常誘人呢？
絕景旅遊景點！薩羅伯茨原野南部「OTONRUI風力發電所／オトンルイ風力所」
一抵達「OTONRUI風力發電所」，直線排列嘅28座風力發電風車隨即映入眼簾，係會令人一見鍾情、難以忘記嘅景點。高聳雄偉嘅風車遠睇迷人、行近睇亦靚到令人心動驚訝。踩著單車係風車底下穿梭，途中揀個鍾意嘅地方停低，影返張絕景打卡美照啦！
日本三大濕原之一「佐呂別濕原中心」
「佐呂別原野」面積達20,000~24,000公頃，其中位於原野裡嘅「佐呂別濕原」，更名列日本三大濕原之一。一般嚟講，濕原共分為「低層濕原」、「中層濕原」、「高層濕原」三種類型。而喺「佐呂別濕原」內，您就可以一次過體驗到呢三種不同類型嘅濕原景觀，喺日本屬非常罕見。自由自在地於寬闊嘅「佐呂別原野」散步，眼前一望無際嘅景致讓人目不轉睛。常言道：「休息係為咗走更長遠嘅路。」您都不妨於此地稍稍停下腳步、大口呼吸新鮮空氣，感受大自然氣息，休息一下再起行啦！
不可錯過嘅美食！於公路休息站中「食好西」
踩到攰？去公路休息站「道之驛」搵食+小休一番充充電吧。「道之驛」有齊當地必食美食料理、特色特產及當地限定商品等住你嚟發掘。養精蓄銳之後，再繼續單車旅程吧！
現實中都可以飲得到傳說中嘅「甘露泉水」！甜而清徹嘅味道好初戀呀！
「甘露泉水」湧出處位於利尻島北部、海拔290m「利尻富士登山道」上「鴛泊路線」嘅3合目，並獲選為「日本名水百選」。「甘露泉水」天然且甜而清澈，保證可以為您旅途增添更多色彩美味。係咪想即刻試一啖呢？
尋找北海道「白之戀人」包裝上嘅迷人山峰！利尻島「OTATOMARI沼」
提起北海道，相信大家都一定會聯想到手信銘菓「白之戀人」，而其外包裝雄偉嘅山景，正正就係位於最北端嘅日本百大名山「利尻富士」。
據說當時生產商石屋製菓嘅社長被「利尻富士」嘅剪影所感動，因而决定將「利尻富士」繪製於「白之戀人」嘅包裝上。平時食「白之戀人」就食得多，您又有無諗過踩去佢嘅「發源地」去一睹迷倒眾人嘅絕景「利尻富士」、再編織屬於您跟「白之戀人」嘅旅程小故事呢？
去「姫沼」與「利尻富士」嚟一場浪漫約會吧！
「姫沼」環境優美怡人，水面宛如晴空清徹湛藍，水中「利尻富士」倒影更係極度吸睛，保證令您相機影唔停！喺偌大環境內用雙腳踏遍沿海草原景觀，再全身感受絕景中散發嘅負離子，尋找水中倒影嘅絕景奇觀吧！
尋找最北嘅故事！探索最北端「宗谷岬」 、踏上「日本最北端地之碑」
「宗谷岬」位於日本地圖頂端、地標為北緯45度31分14秒；而「日本最北端地之碑」則係一座高5.44 m、位於俄羅斯與日本邊境地帶「最北之岬」(岬:意為海角) 頂端嘅紀念碑，因象徵住北極星嘅一角而被打造成呈三角錐形外觀。
除咗必去打卡位「日本最北端地之碑」，周邊亦有探險家·間宮林藏立像以及紀念碑。下個旅程，一於就嚟留下屬於你嘅「北涯海角」足跡啦！
猶如跳入童話世界！靚到如畫中風景般動人嘅「宗谷丘陵」
「宗谷丘陵」位於日本最北部嘅丘陵地帶，屬約2萬年前冰河時代形成嘅「周冰河地形」，更係「北海道遺產」。路上以貝殼堆砌而成，因而被稱為「最北之白色道路」；另外，沿途「牛牛散步×廣闊綠油油草原×57座白色風車」嘅風景亦猶如插畫般動人，靚到令人窒息。漫步於此，真係會令人好想大叫一句「真係無後悔辛苦踩單車嚟呀！」。
超級好行「新千歳機場」—集齊北海道最精華「美食文化」及「手信特產」! 精選美食手信一網打盡
去「北海道」總會被靚到讓人晃神嘅景色迷到忘卻時間嘅流逝。轉眼間已經嚟到回程日，但係發現仲未買齊手信+未食夠北海道美食？上飛機之前，一於再喺新千歳機場嚟個最後衝刺，「食盡想食又未食嘅好西」、「買盡想買又未買嘅敗家產品」，打造回程前嘅最美好時光啦！
睇完介紹之後，係咪心郁郁即刻想出發呢？
北海道單車路上又點以上「一生人總會想去一次」嘅景點咁少呢？心動不如盡快行動, 快點進去「Hokkaido Cycling Tourism Guide」準備下一個旅程吧!
心動不如盡快行動,即刻click下面條link出發啦！
Hokkaido Cycling Tourism Guide
http://hokkaido-cycling.tw.visit-hokkaido.jp/
瞭解更多
Sponsored by Hokkaido Tourism Organization
Comments