滋賀縣擁有日本最大淡水湖「琵琶湖」、國寶彥根城、近江神社，以及被登錄為聯合國世界文化遺產嘅「比叡山延歷寺」等著名觀光景點。歷史建築以外，縣內仲有山岳度假村「琵琶湖Terrace (びわ湖テラス)」、複合型設施「La Collina 近江八幡 (ラコリーナ近江八幡)」等大受年輕人歡迎嘅熱門打卡景點，相當值得您編入行程！而本文，就要為大家介紹琵琶湖之旅嘅3間推薦酒店。
1. 琵琶湖萬豪酒店
「琵琶湖萬豪酒店」所有客房面積都超過30平方米。散發木調溫暖氛圍嘅寬敞空間內，您可以靜心欣賞代表琵琶湖水面嘅地毯及藝術品，好好放鬆身心。
可以將日本最大淡水湖「琵琶湖」景色一覽無遺、空間感十足嘅餐廳，亦係「琵琶湖萬豪酒店」另一賣點。
早餐時段提供豐富當地料理，為您旅途呈獻最高級味覺享受。當中又以主廚會喺您面前即叫即煮、加入琵琶湖名產「蝦豆」嘅奄列為必食推介。
一邊欣賞琵琶湖壯麗全景，一邊享用精心製作嘅早餐，保證您一定可以優雅地展開新一日行程！
酒店資訊
- 名稱：琵琶湖萬豪飯店 (琵琶湖マリオットホテル)
- 地址：滋賀縣守山市今浜町十軒家2876
- 交通方式：JR守山站→[當地巴士] 約40分鐘→JR堅田站→[免費接駁巴士] 約15分鐘
- Wi-Fi : 有
- 語言：英文
- 信用卡：可以使用
2. 琵琶湖大津王子飯店
「琵琶湖大津王子飯店」地理位置優越，距離京都站只有兩站、車程僅約10分鐘。酒店最大特色，就係全部客房都可以欣賞到窗外湖景風光。
面積寬敞嘅客房分別位於5〜20樓湖景樓層、21～32樓空中樓層，以及32～35樓EIZAN樓層。
酒店內備有多間餐廳，提供日式及西式自助餐、法式料理、時令日本料理、散叫及套餐中式料理，以及使用當地精選食材製作嘅料理等，加上窗外大大個琵琶湖靚景，多元化美食格外顯得特別好食！
住客亦可以到酒店門口前方嘅棧橋，乘搭觀光船遊覽琵琶湖，以最近距離感受雄偉壯觀景觀。
酒店資訊
- 名稱：琵琶湖大津王子飯店 (びわ湖大津プリンスホテル)
- 地址：滋賀縣大津市Niono濱4-7-７
- 交通方式：JR大津站→[免費接駁巴士]約10分鐘
- Wi-Fi : 有
- 語言：英文
- 信用卡：可以使用
3. 琵琶湖瀨田站前 APA飯店
『3. 琵琶湖瀨田站前 APA飯店』距離JR琵琶湖線瀨田站步程只需約1分鐘；從JR京都站出發，亦只需5個站、車程18分鐘即可到達，因此如果您將會到琵琶湖觀光旅遊，酒店就會係最合適嘅住宿選擇！
酒店於2019年10月剛完成重新裝修，客房採光充足、內裝時髦，而房型則總共設有4種類型：單人、雙人、雙床以及三人房，對應獨遊及朋友旅行等多種住宿需求。
如果選擇附帶早餐嘅住宿方案，您就更加可以享用提供40種以上西式日式菜餚嘅自助式早餐。
酒店距離日本第一大淡水湖「琵琶湖」約15分鐘車程、距離近江神社則約25分鐘，自駕遊客要同以上景點觀光都非常方便。
酒店資訊
- 名稱：琵琶湖瀨田站前 APA飯店 (アパホテル びわ湖 瀬田駅前)
- 地址：滋賀縣大津市大萱1-16-1
- 交通方式：JR瀨田站南口...步行約1分鐘
- Wi-Fi : 有
- 語言：英文
- 信用卡：可以使用
Comments