秋田縣──重要無形民俗文化財產登錄數量為日本第一，至今仍然保有多項獨特嘅傳統文化習俗。例如「生剝鬼節（なまはげ）」、東北三大祭之一「竿燈祭」等等。另外，角館嘅櫻花、大曲煙火大會、橫手雪屋等季節性景觀和祭典活動亦充滿魅力。今次要為大家介紹秋田觀光推薦必住嘅酒店3選。
秋田城堡酒店（Akita Castle Hotel）
「秋田城堡酒店」擁有極佳嘅地理位置，距離秋田車站步行只需要7分鐘，日本100座名城之一「久保田城」亦喺附近。 酒店除咗有重視實用性嘅標準客房，仲有其他類型嘅客房，例如配有大床和時尚設計嘅豪華客房，可以在此享受更高等級嘅體驗。
酒店大廳設有畢卡索嘅繪畫展示，亦值得去睇一睇。
早餐可以品嚐秋田當地美食，包括秋田縣產嘅米、「煙燻蘿蔔乾（いぶり漬け）」和稻庭烏東等等。酒店每日朝早提供新鮮出爐嘅自製麵包，一定要試一試佢吖。
另外，酒店裡面有日本料理、中式料理餐廳，仲可以喺獨立包廂裡面享受用餐，帶畀您一個舒適嘅住宿體驗。
酒店資訊
- 名稱：秋田城堡酒店（秋田キャッスルホテル）
- 地址：秋田縣秋田市中通1丁目3-5
- 交通方式：秋田站...步行約7分鐘
- Wi-Fi：有
- 語言：英文
- 信用卡：可以使用
秋田豪景酒店（Akita View Hotel）
對於除咗觀光之外，仲想要享受酒店生活嘅旅客，特別推薦擁有寬敞客房嘅「秋田豪景酒店」。酒店客房裝潢雅緻、氣氛寧靜，從單人房到套房，一共有12種房型可以選擇。
位於酒店最高樓層嘅餐廳「Sky Grill Buffet 空櫻（SORA）」視野極佳，提供使用當季時令新鮮蔬菜製作的涮涮鍋（Shabu Shabu）、特製咖哩、以及菜色豐富嘅早餐。其他推薦嘅料理仲有秋田名物「米棒鍋（きりたんぽ鍋）」、「稻庭烏東」、用秋田縣產嘅米「秋田小町（あきたこまち）」所煮成嘅粥，以及主廚喺您面前即場製作嘅「鬆軟奄列」。
酒店資訊
- 名稱：秋田豪景酒店（秋田ビューホテル）
- 地址：秋田縣秋田市中通2丁目6-1
- 交通方式：JR秋田站...步行約3分鐘
- Wi-Fi：有
- 語言：英文
- 信用卡：可以使用
秋田大和ROYNET酒店（Daiwa Roynet Hotel Akita）
以久保田城為象徵嘅「千秋公園」、日本國家重要文化財「紅煉瓦鄉土館」、民俗藝能傳承館等景點，統統都喺「秋田大和ROYNET酒店」步行範圍內。入住秋田大和ROYNET酒店，於秋田觀光會非常方便。
客房方面，除咗簡單舒適嘅標準房，仲可以選擇適合自己需求嘅房間，例如會提供以女性為出發點嘅生活用品，如腳底按摩器、美顏器等嘅女性專用房。另外，客房電視嘅VOD系統，可以免費收睇包括日本在內一共9個國家嘅YouTube新聞。酒店櫃台和旅遊諮詢服務亦有提供中文、英文、韓文。
早餐以自助餐型式提供日式和西式料理以及秋田鄉土料理，仲可以一嚐秋田縣特產米「秋田小町（あきたこまち）」。另外仲有一個好正嘅特色位，就係由早餐時段就可以開始食到新鮮嘅魚生啊！
酒店資訊
- 名稱：秋田大和ROYNET酒店（ダイワロイネットホテル秋田）
- 地址：秋田縣秋田市大町2丁目2-41
- 交通方式：JR秋田站,,,步行約14分鐘
- Wi-Fi：有
- 語言：英文
- 信用卡：可以使用
Comments