岩手盛岡推薦酒店3選

去到日本岩手縣嘅盛岡，可以觀賞到明治時代建造嘅西式復古建築，數量稀少而珍貴，而且又可以品嘗碗子蕎麥麵等當地美食，有好多唔同嘅樂趣。另外，盛岡亦係日本著名作家渡過青春時代嘅地方。今次就為大家大家介紹去時推薦嘅幾間旅館，有VIP達官貴人下榻入住嘅頂級旅館，又有提供多項免費服務嘅旅館等等。

Hotel Route Inn 盛岡站前：免費早餐自助餐及自助式咖啡！

「Hotel Route Inn 盛岡站前」距離車站僅徒步1分鐘嘅距離，地理位置交通便利。所有客房皆設置寬120厘米以上嘅床，仲有加濕及空氣清淨機，等旅客可以喺乾淨嘅客房同舒適嘅空間渡過。另外，旅館仲設有鐳素人工溫泉大浴場，浸喺使用鐳素將水軟水化後嘅柔和人工溫泉內，舒緩身心疲累。

除此之外，仲有其他免費服務。其中包括免費自助餐早餐，提供30多種豐富嘅日式同西式料理，任君挑選。而且旅館大堂仲設有自助式咖啡機，喺開放時段內任何時候都可以免費享用自助式咖啡。另外，仲設有投幣式自助洗衣機，對連續入住嘅旅客嚟講相當方便。

相關資訊

• 名稱：Hotel Route Inn 盛岡站前（Hotel Route Inn Morioka Station）
• 地址：〒020-0034 岩手縣盛岡市盛岡站前通3番25號
• 交通方式：東京站→[新幹線] 約2小時20分鐘→盛岡站…徒步約1分鐘
• 免費Wi-Fi：有
• 語言：英文
• 信用卡：可使用VISA ・JCB ・Diners Club ・American Express ・UC ・DC ・Master Card ・UFJ NICOS ・簽帳金融卡 ・iD、其他（電子錢包支付：WAON、Ponta）等
• 自助式咖啡開放時段：6:30～10:00／15:00～22:00

天然溫泉 Sansa之湯 盛岡Dormy Inn酒店：提供寬敞大床同天然溫泉

「天然溫泉 Sansa之湯 盛岡Dormy Inn酒店」鄰近車站，隨著唔同嘅季節提供唔同泉質嘅天然溫泉俾住客享受。春季至秋季提供擁有「美肌之湯」之稱嘅「Mordenite之湯」，冬季至春季則換成包含美肌效果同可以舒緩身心嘅硫磺泉質「大觀之湯」。

除此之外，所有客房皆設置寬120厘米以上嘅席夢思名床，舒適好眠，緩解旅程疲憊。提供50種類以上日式及西式料理嘅早餐自助餐亦相當推薦。除咗基本款必備菜式之外，仲可以品嚐到盛岡冷麵（季節限定）或岩手鄉土料理「麵疙瘩湯（ひっつみ）」。酒店仲會免費提供醬油拉麵供住客作為宵夜，可以講係令人相當開心嘅服務呢。係一間令住客能夠感受賓至如歸嘅滋味。

相關資訊

• 名稱：天然溫泉 Sansa之湯 盛岡Dormy Inn酒店
• 地址：〒020-0021 岩手縣盛岡市中央通2丁目8-12
• 交通方式：東京站→[新幹線] 約2小時20分鐘→盛岡站…徒步約12分鐘
• 免費Wi-Fi：有
• 語言：英文
• 信用卡：可使用JCB、VISA、萬事達卡、AMEX、UC、DC、NICOS、大來卡、UFJ、SaisonCard

盛岡格蘭大酒店：曾接待過日本皇室成員

盛岡格蘭大酒店位於綠意盎然嘅高地上，能夠一覽無遺地瞭望盛岡市區。日本天皇皇后兩陛下、上皇上皇后兩陛下亦曾造訪過盛岡格蘭大酒店，有著「岩手嘅迎賓館」之稱。正如其名，喺超過50年嘅歷史當中，有好多來自縣內外嘅VIP達官貴人下榻於此。全客房面積皆約有45平方米以上，提供寬敞舒適嘅空間。另外，衛浴乾濕分離，設有浴缸及淋浴空間，廁所則為獨立設置，等住客能夠舒適悠閒享受浸浴嘅空間。

呢間酒店嘅客房使用嘅寢具亦相當講究。套房使用高級床褥品牌Regalia，雙床房同雙人房則使用以舒適聞名嘅airweave床褥。住客舒服瞓一晚之後又可以喺餐廳品嚐日式套餐或者西式套餐。兩者皆使用當地食材做成優質料理。喺各方面都帶給住客優質嘅服務同住宿體驗。

相關資訊

• 名稱：盛岡格蘭大酒店（Morioka Grand Hotel）
• 地址：〒020-8501 岩手縣盛岡市愛宕下1-10
• 交通方式：東京站→[新幹線] 約小時20分鐘→盛岡站→[免費接駁巴士：週六・日行駛] 約25分鐘 或搭乘計程車約15分鐘。
• 免費Wi-Fi：有
• 語言：英文
• 信用卡：可使用MASTER、VISA、AMEX、DINERS、JCB、DC、銀聯卡