環山抱海、坐擁多個觀光景點嘅福井縣內遍佈多個充滿特色嘅住宿設施，其中擁有日本曹洞宗兩大總本山之一「永平寺」嘅福井縣永平寺町，就係吸引眾多信眾前來參拜嘅聖地。而本文，就要為大家介紹永平寺町內一家一家有如日式旅館般舒適，又可以讓住客體驗禪世界嘅「永平寺親禪旅館柏樹關」。
介於日式旅館與寺院住宿之間－福井住宿「永平寺 親禪旅館 柏樹關」
想要體驗禪坐或抄經，但係對嚴苛環境有少少抗拒嘅遊客，咁「永平寺親禪旅館柏樹關」就會係推薦好去處。旅館內會有曾於大本山永平寺受訓、並獲得認定嘅「親禪禮賓員」接待住客及帶您導覽、走進禪之世界。
客房設有舒適設備與服務，堪稱一家將寺院住宿與傳統日式旅館元素完美融合嘅住宿設施。
初學心者都一樣可以放心！福井「永平寺 親禪旅館 柏樹關」永平寺禪修體驗
喺「永平寺 親禪旅館 柏樹關」嘅多用途和室「開也之間」內，親禪禮賓員將會以深入淺出方式指導您坐禪嘅方法。
親禪禮賓員亦會為您導覽永平寺，即使係第一次嚟到嘅客人，亦大可放心體驗坐禪。另一方面，編輯部更會特別推薦您參加永平寺朝課（早晨誦經）。體驗與眾多僧侶同時誦經嘅莊嚴肅穆「禪」」氛圍。
舒適客房內放有福井縣工藝品裝飾
「永平寺 親禪旅館 柏樹關」嘅親禪禮賓員將會帶領您到入住客房。旅館一共有18間房，全部房間面積都達40平方米以上，而且房內皆設有兩張單人床及一個鋪有榻榻米嘅休憩空間。如果您會「打地鋪」，咁一個房間最多更可以容納4個人！室內裝潢用上多款福井縣工藝品，例如由福井縣「越前燒」陶瓷造成嘅洗手台、茶杯，又或越前和紙裝飾等等。
傳統工藝以外，客間內亦有AI智能音箱、智慧型手機 立式揚聲器、LED閱讀燈等最新設備。客房內設有淋浴設備，但如果想要伸展四肢放鬆身心，咁您就絕對唔可以錯過旅館內嘅大浴池。大浴池盡頭更設有一個露天浴池，住客可以趁機享受室外清澈空氣、盡情放鬆身心。
品嚐由「永平寺典座老師」監修嘅素食料理及福井縣鄉土料理
禪宗世界內培養對料理廚師以及食物嘅感激之心，亦係修行項目之一。永平寺 親禪旅館 柏樹關嘅晚餐提供素食（修行期間進食嘅「精進料理 (素食料理)」）或當地鄉土料理，由永平寺「典座老師 (寺廟大廚) 」主理監督嘅「精進料理」，風味柔和、味道細膩；而鄉土料理則包括福井海鮮、品牌和牛及當季根莖類蔬菜等。
早餐時段，旅館會為住客提供茶粥、青菜粥等季節性粥品，以及由多款華麗小碗盛裝各式菜餚而成嘅「早餐粥膳」。完成早晨禪修後再以清淨心靈品嚐早餐，保證別有一番風味！
相關資訊
- 名稱：永平寺 親禪旅館 柏樹關 (永平寺 親禅の宿 柏樹関)
- 地址：〒910-1228 福井縣吉田郡永平寺町志比6-1
- 交通方式：東京站→[新幹線光號(ひかり)]約2小時15分鐘→米原站→[JR]約65分鐘→福井→[京福巴士] 約30分鐘
- 免費Wi-Fi：有
- 語言：中文、英文
- 信用卡：可以使用JCB、VISA、MASTER、DINNERS、AMEX、銀聯卡
Comments