福井縣立恐龍博物館：一齊去恐龍時代探險

福井縣立恐龍博物館位於福井縣東北部嘅勝山市。呢座係以恐龍為中心嘅地質同古代生物學嘅博物館，可以透過各種形式嚟學習相關知識，例如同恐龍或者地球有關嘅常設展覽，以及根據唔同主題而規劃嘅特別展覽。

福井縣恐龍博物館小檔案

福井縣立恐龍博物館係日本最大嘅恐龍博物館，擁有令人印象深刻嘅銀色圓頂。其中一個賣點係，佢嘅展示室面積廣達4,500平方米。呢個巨大嘅展示室展出咗44座恐龍骨架。（截至2019年10月資訊）

除咗參觀展示品，仲可以欣賞同恐龍相關嘅復原模型、影像等等。

除咗展示區，福井縣立恐龍博物館內仲有餐廳同舖頭等設施，另外仲有一個「化石清理室」，可以睇吓點樣將挖掘出來嘅化石由岩石中拎出嚟。以下將為大家介紹幾個特別推薦嘅展示內容。

福井縣立恐龍博物館嘅常設展覽分為三個區域。

首先，博物館嘅一樓分別為展示咗44座恐龍骨架嘅「恐龍世界」區，同埋展示重點放喺化石與地質構造上嘅「地球科學」區。

上到二樓，就可參觀第三個展示區「生命的歷史」。係呢個區域，可以學習由46憶年前延續至今嘅生命歷史。

唔單止常設展覽，會展示繪畫同標本嘅特別展覽亦非常值得睇。

特別展覽嘅展期通常為期2至3個月，根據唔同主題嚟規劃展示內容。到目前為止舉辦過嘅特別展覽有「獸腳類：進化成鳥類的肉食性恐龍」、「披著鎧甲的恐龍們」等等。

福井縣立恐龍博物館嘅開館時間為9:00至17:00，最後入館時間為16:30。部分期間會延長營業時間，改為開8:30至18:00。

每個月第二、第四個星期三為休館日，如果咁啱星期三係假期嘅話，就會翌日先休館。暑假期間唔會休館。另外，設施維護、更換展覽、年末年初期間等，會有臨時休館，去之前要留意查清楚時間日子。

福井縣立恐龍博物館嘅入場費用為，成人票價 730円，特別展覽需另外付費。（截至2019年10月資訊）

前往福井縣立恐龍博物館，首先要到達JR福井站。由JR福井站有兩條路線可以去。

第一條路線係「越前鐵道」嘅勝山永平寺線。乘坐開往勝山嘅電車約需一個小時，由勝山站搭乘社區巴士或者的士約需10到15分鐘。

第二條路線係搭開往「越前大野」或「九頭龍湖」方向嘅「JR越美北線」。車程約1小時，於越前大野站下車，再搭的士約20分鐘即可抵達博物館。

無論選擇邊一條種路線，由福井站到博物館大約需要一個半小時。