和服同浴衣有咩分別？白色和服同黑色和服又分別係咩場合著？

和服（着物）係日本嘅傳統服裝。日文「着物」(きもの, kimono) 意思喺「着上身嘅嘢」，即係身上所有物品。時至今日，和服已成為世界公認嘅日本民族服飾，而「Kimono（着物, キモノ）」呢個詞語更加係國際通用。和服嘅特徵係靠住一條闊嘅腰帶，固定全身布料，而且袖口寬鬆。

日本傳統和服、和服風長袍同長外套之間有咩唔同？

日本傳統和服、和服風長袍同開襟衫嘅不同之處在於着法。

首先，日本傳統和服一定會喺入面先著一件叫「襦袢（じゅばん, Juban）」嘅和服貼身內衣，再著上「長襦袢（ながじゅばん, Nagajuban）」嘅長版內衣，同埋「表着（うわぎ,uwagi）」，再用腰帶一圈又一圈纏繞固定，防止佢跌落嚟。

另一方面，和服風長袍同長外套，就入面會著一般便服，或是可以直接就咁著。長袍或長外套通常係用細繩狀嘅腰帶纏繞固定，或者直接唔固定，披上就好。

和服當然都有男士和服。對男性而言，和服上面再加上好似褲咁樣嘅「袴」(はかま, Hakama) ，係好正式嘅服裝。而平日嘅和服，就同女性一樣，只着和服就可以。

另外亦有加大尺碼嘅和服。高妹高佬，或者較豐滿嘅人士，同西裝一樣都可以揀尺寸大細，有加長或者加闊版嘅和服。但如果係和服出租舖，提供大尺碼嘅舖頭唔係好多，最好事先同舖頭確認一下。

白色和服只有特別嘅日子先會著。最有代表性嘅例子就係新娘著嘅純白和服「白無垢」(しろむく, Shiromuku)。屬最高規格、最神聖嘅服飾，而家通常會用喺婚禮穿著。另外，喺婚禮上，男性係唔會著白色和服。

仲有一種白色和服叫「白裝束（しろしょうぞく, Shiroshozoku）」。係喺「禊（みそぎ, Misogi）」嘅淨身儀式中穿著，有回到最原始初生嘅意義，代表未染上任何顏色、最原本嘅自己。

黑色和服主要係參加葬禮嘅正式服裝。女性清一色黑，黑色和服搭配黑色腰帶。特徵係喺黑色和服上面，會繡上家徽，日文叫「家紋（かもん, Kamon）」。

另一方面，男性就會著繡家徽嘅黑色和服，外面再搭配黑色嘅外套「羽織（はおり,haori）」同寬褲「袴」。而有條紋線條嘅「袴」係最正式規格。黑色和服唔單只會喺喪禮上見到，其他正式場合，例如婚禮、重要儀式、典禮等，亦會見到男性穿著黑色和服。

和服同浴衣就咁睇上嚟好似，最主要分別係穿著時嘅服飾配牛。和服入面一定要著叫「襦袢」(じゅばん, Juban)嘅內衣。

另外，和服同浴衣嘅用途亦有唔同。以前，和服係日常衣裝，而浴衣就係睡衣。而現代嘅話，和服就係正式服裝，而浴衣就係夏天嘅休閒服裝。

相信大家亦熟知好多動漫作品入面有著和服嘅角色，例如《浪客劍心》嘅主角「緋村劍心」或者《鬼滅之刃》等等。其中，緋村劍心呢個色嘅招牌造型，就係紅色嘅和服配上白色嘅「袴」。