忍者以現代日文來係「裏方」(うらかた, Urakata)，即係喺背後努力嘅人。歷史上，忍者喺日文中被稱為「忍び」(しのび, Shinobi)。我們對忍者嘅印象係，一身黑色裝扮，暱喺屋簷下，拎著忍者飛鏢「手裡劍」，動作敏捷而且技巧高超。本文將為大家介紹忍者實際上嘅工作內容，以及同忍者相關嘅觀光景點。
關於忍者
喺日文中，忍者嘅詞源係「忍び」(しのび, Shinobi)起初因地區而異，有「乱波」(らっぱ, Rappa)或「奪口」(だっこう, Dakkou)等等不同稱呼方式。「忍者」呢個稱呼，喺於1955年之後先固定普及。
忍者主要嘅工作係收集敵方情報畀領主，其他工作仲包括侵入敵方陣營、放火、埋伏等等。
另外，有一本描寫忍者必備態度同技巧嘅《忍術書》。《忍術書》中亦涵蓋咗醫學、天文學等，忍者可以話係武功高強，又知識豐富嘅全能者。
去尋訪忍者吧！
喺日本，有好多地方可以親眼見到忍者。以下將為大家介紹一啲可以同忍者相見嘅推介景點。
忍者餐廳&咖啡廳
忍者會喺忍者餐廳或咖啡廳入面，為客人演出各種表演。例如展示忍術、手裡劍使用方式講座等等，令觀眾可以了解忍者嘅世界觀。忍者餐廳或咖啡廳數量唔多，其中比較有名嘅係東京赤坂「NINJA AKASAKA」、東京秋葉原「Ninja cafe Sinobazu」。
忍者表演
忍者表演指係各種設施內進行嘅表演節目。展示手裡劍、刀同鎖鐮等等忍者武器，仲會現場示範點樣用。傳統忍術同武術等等表演，令人睇到目瞪口呆。如果想睇忍者表演嘅話，推介去三重縣伊賀市嘅「伊賀流忍者博物館」，或者山梨縣南鶴留郡嘅忍者主題村「忍野忍村 (忍野しのびの里)」。
可以Call忍者出嚟嘅服務
如果您想親眼看到忍者，可以試試「WappinGuide」呢個應用程式。用「WappinGuide」，最快15分鐘就可以叫到忍者出嚟，還可以著住忍者服裝、帶您前往旅遊書中上無介紹嘅景點，喺一個寶貴嘅體驗。目前呢個APP服務地區僅限於東京淺草。
忍者體驗
你唔單止可以親眼見到到忍者，仲可以實際體驗一下點做忍者。以下將為大家一些介紹忍者體驗嘅景點同體驗方式。
體驗忍者服裝及忍者修行
如果想體驗做忍者，推介你體驗「忍者服裝」或「忍者修行」。忍者服裝體驗提供黑色、紅色、藍色等唔同顏色嘅服裝租借。可以著住忍者喺街上漫步，亦可以喺旅遊景點設施入面，著忍者衫嚟進行各種體驗。服裝體驗費用依唔同舖頭有異，平均約1,000日圓起。
喺忍者修行體驗中，你可以挑戰走鋼線、攀登石牆、投擲手裡劍等等。內容依設施而有不同，但通常都係實戰型。有啲設施仲會喺完成修行體驗後，頒發一張叫「免許皆傳」嘅結業證書。體驗費用因地點而異，如果只係手裡劍體驗，費用約300日圓；走鋼線、攀登石牆等體驗費用則為1,000～3,000日圓不等。（截至2019年10月資訊）
可以嘗試呢啲忍者體驗嘅景點，遍布日本全國各地。特別值得推介嘅係，以伊賀市上野為中心展開店鋪嘅「忍者變身處」，提供忍者服裝體驗。另外，日本三重縣赤目四十八瀑布嘅「忍者之森」、滋賀縣甲賀市「甲賀之里 忍術村」、東京新宿「NINJA TRICK HOUSE IN TOKYO」都係好出名。
忍者VR虛擬實境體驗
如果想要以非一般嘅方式體驗做忍者，推薦「VR」虛擬實境體驗。戴上專用嘅VR虛擬實境眼鏡，就可以體驗另一個世界。
戴上忍者VR虛擬實境裝置，可以實驗穿上忍者服裝使用武器或忍術，對抗虛擬實境中不斷靠近嘅敵人，同埋躲避敵人嘅攻擊，非常有臨場感。因為使用逼真嘅影像，體感會帶畀人另一種振撼感。喺忍者VR虛擬實境體驗開始之前，工作人員會教你點樣操作裝置。
如果想嘗試忍者VR虛擬實境體驗，推薦東京神田「VR忍者道場」、京都東山「NINJA VR KYOTO」。VR體驗費用約3,000日圓；學習忍者術費用就大概5,600～7,500日圓。（截至2019年10月資訊）
進一步了解忍者，請看忍者動漫
如果想以比較輕鬆嘅方法嚟認識忍者，推薦要睇忍者動漫同漫忍者角色。以忍者為題材嘅動漫非常多，好容易令大家進入忍者世界。
其中推薦有「火影忍者NARUTO」、「忍者亂太郎」和「忍者小靈精」呢幾部作品。
Comments