「達谷窟毘沙門堂」 位於日本岩手縣平泉寺院內，擁有逾1200年歷史，係一間沿著石窟而建嘅佛堂。寺院範圍內有多座珍貴建築物都值得駐足欣賞，而且一年四季美景不斷，係一處能夠同時享受歷史建築以及日本四季風情嘅景點！
位於岩手縣平泉嘅「達谷窟毘沙門堂」
「達谷窟毘沙門堂」位於坐擁眾多世界遺產嘅城鎮「平泉」內，係一座擁有超過1200年歷史、沿著石窟而建嘅佛堂，其由來為8世紀左右武將坂上田村麻呂為紀念打勝仗而建造。佛堂內供奉著108尊毘沙門天王，雖然曾經遭受無情祝融之火，惟其後有幸再次得以重建、更顯珍貴價值。另外，遊客亦可以欣賞到沿著石壁刻劃嘅佛像「岩面大佛」等眾多珍貴文物。
「達谷窟毘沙門堂」必睇之處
「達谷窟毘沙門堂」最大特色，就係沿著石窟而建嘅毘沙門堂所呈現嘅氛圍。環境中充滿莊嚴神聖空氣，因此被視為當地一大power spot（能量景點）。除咗毘沙門堂之外，場內仲有多座頗具歷史價值嘅建築，例如係佛堂內供奉提升財運嘅神明又或其他珍貴佛像。「岩面大佛」過往曾經係被雕刻於整片岩壁上嘅整尊佛像，後來因為肩膀以下部分崩塌，而家只能目睹其僅剩尊容。與此同時，您更可以身處寺內欣賞春天櫻花、夏天新綠、秋天紅葉、冬天白雪、感受四季變化，一年從頭到尾都非常值得您到此觀光。下次到岩手縣時，不妨就嚟呢到體驗一趟歷史建築與四季美景之旅啦！
「達谷窟毘沙門堂」參觀資訊
「達谷窟毘沙門堂」參觀費用為成人400日圓、中學生100日圓、小學生免費。從12月31日深夜至1月1日可免費參觀。參觀所需時間約30分鐘。開放時間如下：3月21日至11月3日為8:00〜17:00，11月4日至3月20日為8:00〜16:30。全年無休。
「達谷窟毘沙門堂」交通方式
從東京都前往「達谷窟毘沙門堂」，您可先於「東京車站」乘搭新幹線（約154分鐘）並於「一之關站」落車。其後轉乘JR電車至「平泉站」下車，從平泉站乘搭的士約10分鐘即達。
景點資訊
- 景點名稱：達谷窟毘沙門堂 Takkoku no Iwaya Bishamon-do Temple
- 地址：岩手縣西磐井郡平泉町平泉字北澤16番地
- 交通方式：東京車站→[新幹線]車程約154分鐘→一之關站→[JR]車程約7分鐘→平泉站→[的士]車程約10分鐘
- Wi-Fi : 無
- 語言：僅供日文
- 門票：當地售票窗口
- 信用卡：不接受信用卡付款
Comments