【德島】擁有得天獨厚的自然資源日本四國玄關

德島縣位於日本四國的東部，透過橫跨鳴門海峽嘅鳴門大橋與兵庫縣南淡路市相連，係日本本州到四國的玄關之一。除咗得天獨厚嘅自然資源，德島仲有唔少文化設施、傳統表演藝術、德島拉麵等當地美食，旅遊魅力豐富。

關於德島縣

由日本本州前往德島縣嘅交通非常方便，由大阪或兵庫縣出發甚至可以即日來回。另外，德島縣有百分之80係山地，而當中有些山脈海拔更超過1,000米。

除咗各種觀光景點，四國八十八所靈場等許多神社及佛寺，亦有唔少大自然景點。

德島氣候因地區而異。相較於降雨量較少嘅北部，南部雨量比較多。每年平均氣溫介乎攝氏12~16度之間。特別係德島市靠海地區，全年氣候溫暖，任何季節都適合觀光。

德島觀光區分為東部、西部和南部等三個地區。以下將為大家介紹德島縣各區域嘅特色與必睇景點，德島傳統表演藝術及工藝等等。

東部地區有瀑布、漩渦流等自然景點，仲有賞花名所、神社寺廟等觀光景點。當中不得不提「鳴門海峽漩渦」（鳴門海峡の渦潮）。
呢個號稱世界最大嘅海上漩渦，你又敢唔敢嚟體驗一下？鳴門海峽於春季和秋季大潮來臨之際，漩渦直徑會大到有成20米。另外，德島中央公園等著名嘅賞櫻名勝亦係推薦景點。

德島西部絕景景點真係有好多，當中特別推薦一條相當罕見的橋──橫跨祖谷川嘅「祖谷蔓橋」(祖谷のかずら橋)。祖谷蔓橋使用當地「軟棗獼猴桃」嘅藤蔓編織而成，被指定為日本國家重要有形民俗文化財。

另外，吉野川流域嘅大步危和小步危，可以欣賞到擁有斷崖絕壁嘅溪谷美景以及日本百名山之一嘅劍山，從劍山更可以眺望去本州嘅崇山峻嶺。

德島南部面向太平洋，沿海一帶有許多風景勝地。例如，四國最東端海角「蒲生田岬」、海龜產卵地「大濱海岸」等觀光景點。仲可以體驗多項海上活動，如SUP（立槳衝浪）或浮潛等。

德島擁有豐富傳統藝術，例如──「阿波舞」，係擁有400年歷史嘅一種盆舞。德島市每年8月12日至15日會舉行「阿波舞大會」，吸引許多國內外遊客嚟參觀。德島市內嘅阿波舞會館，全年都可以欣賞阿波舞，觀光嘅同時仲可以親自體驗傳統阿波舞。

另外，德島亦有很多傳統工藝。當中不可不提最著名嘅「藍染」。藍染係一種使用蓼藍乾葉所發酵而成嘅天然染料，將布料染成美麗嘅藍色。雖說係藍色，但唔只有單一一種色調，而係呈現由淺到深各種變化嘅藍。德島市區內亦有藍染工作坊，有機會記得去試一試佢啦！

受惠於豐富自然環境，德島生產出各式各樣農林水產品。其中特別有名係「鳴門鯛魚」等新鮮海產、德島土雞「阿波尾雞」。使用鹿肉、山豬肉等野生動物所製作嘅肉類料理「阿波地美榮」。另外，鄉土料理美食豐富，有豚骨、雞骨和魚貝類三種湯底嘅「德島拉麵」尤其深受歡迎。

雖然每個地區都有餐廳會提供以上嘅名物料理，但主要集中喺東部地區。

德島嘅住宿設施類型有酒店、溫泉旅館和民宿，其中，東部地區嘅住宿設施數量較多。費用方面，住1晚包2餐，每人約8,000~12,000日圓。西部有大步危祖谷溫泉鄉，聚集許多溫泉旅館，且附設可以眺望溪谷美景嘅露天溫泉。（截至2019年10月資訊）

如從大阪前往德島，乘搭高速巴士前往JR德島站係最方便、所需時間最短嘅方式。由大阪站JR高速巴士總站乘搭「阿波Express大阪號」，約2小時30分可抵達德島站前嘅高速巴士總站。