岩手縣遠野市推薦旅館：TAKAMURO水光園

去岩手縣遠野市旅行，推薦入住可以感受到日本原始風景嘅旅館或民宿。遠野市位於岩手縣中南部，以「日本永遠的故鄉」嘅概念發展城鎮建設。今次為大家介紹遠野旅館嘅特徵，及精選推薦嘅住宿設施「TAKAMURO水光園」。

位於遠野的旅館

遠野市有日式旅館、西式酒店、民宿等類型嘅住宿。特色係有好多溫馨小巧嘅旅舍。

另外，大部分住宿設施集中喺JR遠野站附近。價格方面，西式酒店約6,000日圓、日式旅館約4,000～7,500日圓。如果想搵經濟實惠嘅住宿，推薦可以揀民宿。價格帶約4,000～5,000日圓，喺遠野地區當中相對地平。（2019年10月當前資訊）

TAKAMURO水光園位於遠野市郊外，係以「光」同「水」為主題嘅節能觀光設施。唔只有提供住宿，亦以各式各樣嘅形式介紹遠野嘅自然和文化。

此處以浄水場為主，有池塘同清澈溪流、水車小屋等設施，庭園內水源充沛。座落庭園中央嘅係岩手地區傳統古民家建築「曲家」，重現遠野嘅傳統自然鄉村景色。

另外，喺呢度可以品嚐到當地美食，仲可以參觀民具館等自古以來遠野地區嘅生活樣貌。唔只淨係住一晚，仲可以充分感受到遠野之魅力呢！

住宿客房共有9間，其中8間係和式房，以及1間提供障礙協助設施嘅西式房。從本館可以欣賞到庭園美景，等遊客可以喺一個有空間感嘅地方放鬆舒緩身心。

另外，4人以上嘅話亦可以選擇入住傳統古民家建築「曲家」。入住日本傳統古民家可以話係幾難忘嘅回憶呢！

TAKAMURO水光園大浴場嘅特色係具遠紅外線效果。溫泉泉質同浴池嘅設計含有遠紅外線效果，令身體能夠由內到外暖起嚟。加上仲有噴泉浴池同氣泡浴池等等，可以透過氣泡刺激身體，促進血液循環。

其他仲有低溫桑拿同霧之湯等效果唔錯嘅溫泉浴池，能夠紓解你旅途嘅疲憊。

園內有2間餐廳。喺「食堂」可以品嚐名為「曲家定食」嘅當地特色料理。有「稗飯（ひえめし）」或「麵疙瘩湯（ひっつみ汁）」等遠野嘅鄉土料理。另外，「濁酒軟雪糕（どぶろくソフト）」亦係推薦必食嘅著名美食，用咗日本自古以來傳承至今嘅濁酒製作。遠野市更被日本政府認定為「濁酒特區第1號」。

另外，喺「咩～咩～亭（めぇ～めぇ～亭）」可以食到遠野當地特色美食之一嘅成吉思汗烤肉，但需要事先預約。