平泉係位於日本岩手縣南部內陸嘅城鎮，有好多佛教寺院同歷史遺跡、古蹟等文化財產。其中更以被列為世界遺產嘅中尊寺最有代表性。
關於平泉
平泉係喺西元1100年起約100年間，曾經蓬勃繁榮嘅古都。喺平泉有唔少歷史古蹟景點，其中以中尊寺、毛越寺、觀自在王院跡、無量光院跡、金雞山，呢5個合稱為「平泉遺產」嘅地方最為出名，更被聯合國列為世界文化遺產。
平泉嘅天氣及推薦觀光季節
4月至10月嘅平泉比較溫暖，但一年平均氣溫稍微偏低，落喺11.5℃左右。所以推薦大家喺春天同秋天去平泉觀光。喺唔同季節有唔同美景可以欣賞，例如，春天時著名賞櫻景點「達谷窟毘沙門堂」有枝垂櫻、6月中旬至7月中旬嘅夏天時毛越寺有鳶尾溪蓀，7月中旬至8月中旬時中尊寺有清新脫俗嘅蓮花盛開、秋天毛越寺或中尊寺有浪漫楓紅美景。
平泉嘅推薦必去景點
平泉嘅特色就係眾多佛教寺院及歷史遺蹟。喺度為大家介紹推薦去嘅景點。
中尊寺毛越寺等平泉嘅寺院
平泉眾多寺院當中，以中尊寺最出名，寺院內有好多文化財，例如一棟內外貼滿金箔嘅金色堂。仲有更隨季節變化展現唔同嘅風景面貌，都係特色之一。
另外，毛越寺除咗有以大泉池為中心嘅毛越寺庭院之外，仲有金堂園隆寺、南大門、嘉祥寺、同講堂等臨池伽藍遺蹟等眾多保留落嚟嘅歷史遺跡。
柳之御所遺跡、達谷窟毘沙門堂等史蹟
嚟到平泉，不妨去參觀各個歷史遺跡啦。柳之御所遺跡位於流經平泉嘅北上川西岸，係面積相當大嘅遺蹟，雖然到現時仍然進行緊挖掘考古，但已開放咗「柳之御所史蹟公園」俾民眾參觀。呢個被推斷為西元12世紀嘅官衙遺跡已被列為國家重要文化財。
另外，「達谷窟毘沙門堂」更加唔可以錯過，延懸崖而建嘅佛堂非常有震撼力！喺呢度仲可以睇到一座刻喺岩壁上嘅大佛，人稱「岩面大佛」，都係去平泉就必睇嘅景點嚟㗎。
平泉推薦美食及餐廳
平泉有一種名叫「八斗」的鄉土料理十分知名，利用平泉主要產的小麥粉，捏成一口大小下去水煮。八斗和蔬菜一起煮成「八斗湯（八斗汁）」，或是加入薑汁攪拌成「薑汁八斗」。另外，還有使用知名的年糕製成的「年糕膳」和「平泉式碗子蕎麥麵」都十分推薦唷。
提供這些鄉土料理的餐廳店家主要聚集在JR平泉站附近以及中尊寺門前等地。
平泉推薦住宿旅館
平泉嘅住宿設施有好多類型，商務酒店、溫泉旅館、民宿等等都有。大部分酒店位於距離JR平泉站車程約10分鐘內嘅位置。平均住宿房價為住宿1晚附2餐、每人約6,000日圓～10,000日圓左右。（2019年10月當前資訊）
去平泉嘅交通方式
要去平泉觀光，首先以JR平泉站為目標啦。從東京站搭JR東北新幹線，到JR一關站落車，所需車程時間約2小時10分鐘。從JR一關站轉車搭JR東北本線，車程約8分鐘就到平泉站。喺JR平泉站去各觀光景點，推薦搭去到各觀光景點嘅免費巡迴巴士「Runrun」。
景點資訊
- 名稱：平泉（JR平泉站）
- 地址：〒029-4102 岩手縣西磐井郡平泉町平泉字泉屋76
- 交通方式：東京站→[JR東北新幹線] 約2小時10分鐘→一關站→[JR東北本線] 約8分鐘→平泉站
- Wi-Fi：有（根據設施而定）
- 語言：英文、繁體中文、簡體中文、韓文、法文、泰文
- 信用卡：VISA卡、MasterCard、JCB、AMERICAN EXPRESS、Diners International（根據設施而定）
Comments