北上市位於日本東北地區，係一個大自然豐饒嘅城市，好多自然風光嘅旅遊名勝，例如楓葉與湖水相映成趣嘅「和賀的松島」、賞櫻名勝「北上展勝地」等等。另外，除咗大自然景色之外，喺歷史文化景點方面仲有名為「鬼劍舞」嘅民藝，又有「陸奧民俗村」，可以欣賞日本傳統文化。
關於北上市
北上市位於北上平原中央位置，而北上平原嘅東面同西面都係山脈地帶。北上平原除咗有北上川同和賀川河流，再加上一整片廣闊田地，可以欣賞到自然田園風景。
北上嘅氣候同觀光季節
北上市喺岩手縣內係降雪量排行前幾名嘅地域，冬季降雪量多。而一整年平均氣溫得11～12℃，屬於氣候偏冷地區。避開落雪時期去旅行，春天同秋天去就最適合。但係毎個月會有1次左右舉辦一項名為「鬼劍舞」嘅民藝表演，建議配合表演舉辦時間去睇吓吖！
北上嘅推薦景點同必去之處
北上市魅力眾多，自然風景、文化設施、活動體驗等豐富精彩。今次就同大家介紹特別推薦嘅北上市必去景點。
自然景觀：和賀嘅松島及仙人峠嘅姥杉
北上市有許多能欣賞自然景觀的景點。例如，在和賀的松島可以欣賞美麗的湖泊，秋季造訪時，更能眺望湖畔旁一片楓紅的美景。此景讓人聯想到日本三景之一的宮城縣「松島」島嶼景色和海岸絕美景色，因此被稱為「和賀的松島」。
此外，仙人峠的姥杉，是一棵樹齢據傳已超過900年的巨大杉木，其高約30公尺、根部圓周約11.5公尺，如此巨大之姿魄力驚人。並且被指定為北上市的天然紀念物，同時獲選為日本農林水產省林野廳的「森林巨人100選」。
文化設施：陸奧民俗村及鬼之館
嚟到北上市，一定要去行吓各種有關歷史文化嘅設施。例如，陸奧民俗村佔地約7公頃，遊客可以欣賞茅草屋嘅古民家或女子學校校舍等歷史建築物。透過呢啲留存落嚟嘅建築物，可以窺探一下約100年前當時嘅生活模樣。
另外，喺「鬼之館」保留著經由日本各地有關「鬼」嘅傳記或繪畫，遊客可以了解更多日本鬼神一說。
祭典活動：北上陸奧藝能祭及北上展勝地櫻花祭等
北上市有舉辦多項大規模而且頗具吸引力嘅活動，當中推薦北上陸奧藝能祭同北上展勝地櫻花祭。
喺「北上陸奧藝能祭」可以觀賞到超過100項民族藝能表演。為期3日嘅活動期間，會場各地輪流上演嘅表演都魄力十足，有機會更唔可以錯過「鬼劍舞」。約有200位舞者喺篝火前共舞嘅畫面，相當震撼迫人。
另外，每年4月中旬至5月上旬左右會舉辦「北上展勝地櫻花祭」。北上展勝地係東北數一數二嘅賞櫻名勝景點，獲選為「賞櫻名勝100選」，並有「陸奧三大櫻花名勝」之稱。公園內種植約1萬棵、約150種櫻花樹。就計劃喺櫻花季去到北上展勝地沿著步道漫步欣賞，將櫻花嘅美景深深烙印喺腦海入面啦！
北上推薦美食及餐廳
北上嘅推薦美食以「北上可樂餅」最出名。北上可樂餅用咗「白百合豬肉」等材料，即係北上市特產嘅豬肉，富含維他命B1。北上可樂餅可以喺市內多間餐廳食到，多數集中喺JR北上站附近同埋青柳町地區。
北上推薦酒店及旅館
北上嘅住宿旅館主要分佈喺市區、南部、溫泉區，種類依地區而有所不同。
市區指嘅係以JR北上站為主，有多間酒店，亦有1晚房價約4,000日圓嘅平住宿，預算有限嘅人可以考慮入住市區嘅酒店。南部即係JR北上站嘅南面，住宿設施唔多，平均價位落喺約5,000日圓以下。另外，溫泉區位於北上市嘅西南面，當中位於和賀町一帶嘅溫泉旅館相當多。溫泉旅館嘅住宿費大約每晚6,000～10,000日圓左右。（2019年10月當前資訊）
從東京去北上嘅交通方式
從東京去北上觀光，可以從JR東京站搭乘東北新幹線到JR北上站，車程約需時2個半鐘。
景點資訊
- 名稱：北上（JR北上站）
- 地址：〒024-0061 岩手縣北上市大通1-1
- 交通方式：東京站→[JR東北新幹線] 約2小時30分鐘→北上站
- Wi-Fi：無
- 語言：英文、中文、韓文
- 信用卡：無法使用
Comments