茨城縣水戶市偕樂園：幾時先係最佳賞梅時機？

偕樂園係一座位於茨城縣水戶市嘅日本庭園，與金澤兼六園以及岡山後樂園並列為日本三大名園。同時，偕樂園亦係著名賞梅景點，每年春天，約100種3,000株梅花都會陸續盛開，景色十分壯麗。

關於偕樂園

偕樂園建立於1842年，係一座歷史悠久嘅庭園。庭園佔地廣闊並分為本園及擴建園區，本園內有歷史建築物，擴建園區則保留著豐富自然景觀。

嚟到偕樂園，當然唔少得欣賞梅花，但其實園內都有多個花時機細味嘅地方，例如保留著天然景色嘅月池周邊、樹齡據講已逾800年嘅太郎杉，又或從仙奕台眺望到嘅開揚視野等景點。以下就特別為大家介紹部分推薦景點以及遊覽方式。

偕樂園內保留著多座歷史建築，例如最具代表性嘅「好文亭」，就係一座由庭園建造者―水戶藩主德川齊昭親自設計而成嘅精緻建築物。現時遊客可以見到嘅外貌於1958年重建完成，建築物於重建時趁機繪製全新襖繪（屏障畫）並將內部華麗修飾。從三樓樂壽樓內，遊客可飽覽到窗外廣闊風景。

位處好文亭入口嘅「中門」，係從開園以來保存至今嘅建築物，以茅草屋簡單樸素嘅建築構造和諧地融入於庭園景色當中；若從中門再往前行一小段路，您就會嚟到靜靜佇立於好文亭與梅園嘅「芝前門」。

而位於庭園北側嘅「好文亭表門」，則係造園當初所設立嘅正門，自建造以來至今已歷經170年歷史，以其黑色沉穩色調令人留下深刻印象。

當漫步於園內時，遊客可以欣賞到隨季節變更而點綴庭園嘅色彩繽紛花卉植物。

偕樂園園內盛開嘅云云花卉中，以梅花為一大必睇重頭戲。12月中旬到隔年3月期間，冬至、唐梅等品種將會陸續開花，約100種梅樹上長出一株又一株梅花；而到咗2月中旬至3月期間，園內更會舉辦梅花祭，讓遊客欣賞園內爭艷鬥麗嘅梅花盛開，散發迷人魅力。

4月下旬，您可以於園內欣賞到到眼前大片紅色霧島杜鵑花與白色吊鐘花、約380株嘅共2種杜鵑花。

夏季時，綠意茂盛嘅孟宗竹與杉木樹蔭，將於盛夏庭園中為入場人士帶來陣陣清新涼爽。

到咗9月，則有象徵秋天到來嘅「荻祭」緊接登場，由約750株宮城野萩與白萩綻放可愛花朵；其後再到11月中旬左右，紅葉谷就會迎來楓紅季節。期間內夜間山谷將會舉行點燈活動，由夜色更凸顯紅葉美麗。（截至2019年10月資訊）

偕樂園本園及其他設施嘅開園時間因季節而異。本園從4月1日至9月底，開園時間為上午6點至晚上7點；10月至3月31日為上午7點至下午6點；本園以外區域則為24小時開放。

偕樂園本園門票為成人300日圓；好文亭票價為成人200日圓。好文亭開館時間為4月1日至9月底上午9點至下午5點；10月至3月31日為上午9點至下午4點半。閉館時間為12月29日至12月31日。（截至2019年11月資訊）

要前往偕樂園，您可從JR水戶站乘搭巴士。前往偕樂園雖然有好幾條路線，而以下就係最簡單嘅一個方法。

從JR水戶站北口6號巴士站，先乘搭開往「偕樂園」嘅關東鐵道巴士並於終點站「偕樂園」落車。巴士車程大約20分鐘，下車後步行約10分鐘即可抵達東門。