秋田縣立美術館：收藏並展示秋田縣美術作品嘅文化設施

秋田縣立美術館位於日本東北地區嘅秋田縣秋田市。美術館嘅展示，以「公益財團法人平野政吉美術財團」所收藏嘅作品為主。當中特別值得關注嘅係世界著名畫家「藤田嗣治」所描繪嘅「秋田的行事（民俗活動慶典）」，以及匯集各式各樣嘅美術作品嘅企劃展或特別展覽。

秋田縣立美術館小檔案

1967年開館嘅秋田縣立美術館，至今已有50幾年歷史。2013年搬遷到而家嘅地址、以三角形為主題設計嘅新美術館，設計理念係「只有這裡才有的一座迷人美術館」。

美術館建築與周圍環境，於唔同季節會有欣賞到唔同嘅風景。於休憩區，可以望見面向千秋公園嘅水庭美景。仲有好多引人入勝嘅建築設計，例如無支柱和牆壁支撐嘅螺旋樓梯，以及位於入口大廳、將美術館與城鎮連接起嚟嘅大三角形中庭。

置身於秋田縣立美術館裡，唔單只可以欣賞藤田嗣治嘅作品，亦可以處身於咖啡廳及商店內視野良好嘅休憩區裡欣賞醉人靚景。

以下將會為大家介紹喺秋田縣立美術館館內嘅展示作品以及美術館嘅建築設計。

秋田縣立美術館二樓展示廳，主要展示內容係藤田嗣治嘅繪畫作品。

日本藝術家「藤田嗣治」出生於日本，26歲前往法國，於巴黎與畢加索、莫迪利亞尼有深入嘅交流。藤田嗣治嘅油畫作品融入日本畫嘅技巧，融合東西方美學，創造出獨有嘅風格。

特別值得注意嘅作品係大型壁畫「秋田的行事（民俗活動慶典）」，描繪1937年嘅秋田。感受大型壁畫魄力嘅同時，仲可以一睹「大約100年前秋田嘅容貌」，可以獲得難能可貴嘅觀賞經驗。

唔只美術品，秋田縣立美術館嘅建築設計亦非常美麗動人。

美術館入口處有一個大型螺旋樓梯，無任何支柱和牆壁支撐，沿著牆壁去建造，而且無多餘嘅設計，非常簡約時尚。另外，從三角形天窗照射入嚟嘅自然光與天然花崗岩地板亦深深吸引人目光。

美術館內嘅休憩區欣賞到嘅水庭景觀，靚到令人難以忘懷。從巨大嘅玻璃窗望向水庭，水面上呈現藍天與白雲嘅倒影，非常美麗。唔單只水面嘅美景，仲可以望到遠處嘅秋田風景。

秋田縣立美術館嘅開館時間係由朝早10點至夜晚6點。但係8月份「秋田竿燈祭」舉行期間，開館時間會延長。美術館有不定期嘅固定休息日，出發前往秋田觀光之前，記得去官網確認清楚開館狀態。

另外，美術館入場門票，成人310日圓。如果於特展舉辦期間，入館票價會變動，記得要事先上官網確認。（截至2019年10月資訊）

要去秋田縣立美術館，可以從JR秋田站搭秋田機場利木津巴士，車程約40分鐘。抵達JR秋田站後，步行約10分鐘即可抵達秋田縣立美術館。