動漫作品《飆速宅男》（又譯：破風弱男）同埋2019年夏天嘅「24時間電視」中播出嘅單元劇集「羈絆之踏板」等，以公路單車賽為主題嘅作品備受注目。除咗公路單車賽之外，2020年東京奧運嘅新項目—BMX等，亦係同單車有關嘅競技項目。今次我地就一齊嚟睇吓徹底探究一吓單車賽事吧。
單車公路賽事係乜嘢比賽項目？
單車公路賽事係賽單車項目之一，指嘅係喺一般公路上以單車行走，爭先到終點嘅名次同所需時間嘅公路賽事。
以賽事嘅時間分類嘅話，有以下嘅分類項目。
１日賽：由起點至終點嘅距離，係喺1日內可以分勝負嘅簡單比較方式
分段賽：分多日比賽，以總計嘅時間計算成績嘅賽事。「飆速宅男」就係呢種賽事。
以比賽內容去分類嘅話，就可以分成下面嘅項目。
繞圈賽：喺單車賽場內繞圈嘅賽事
計時賽：行走指定距離，以時間計算嘅賽事
根據比賽嘅規模大細，參加嘅選手人數亦都會有唔多。世界最出名嘅公路單車賽「環法單車賽」就大概有200名選手參加。賽程包括咗比較比坦嘅田園地區、沿海岸線行走嘅道路，亦有要越過標高超過2千米嘅高山嘅路程。好多去睇嘅支持者，都會感受到好似同選手一齊經歷旅程咁。
比起個人戰，團隊合作更加重要！公路賽嘅魅力！
公路賽嘅最大魅力就係團體合作係定勝負嘅關鍵。雖然睇上去似係個人比賽，但實際上各隊（規則上每隊8人）為咗令王牌可以爭勝，其他選手會輔助同埋實行唔同嘅戰術，係一個團隊戰。隊員每人都有唔同嘅職責，例如有人負責帶領隊員，有人負責係前面為王牌開路等，每人分工合作，發揮團隊合作精神。為咗令王牌取勝而全員團結一致，絕對會令睇嘅人都覺得戓感動。
公路單車嘅特徵同揀選方法
公路單車為咗可以長時間高速行駛，所以落咗好多工夫。主要嘅特徵有3個。
1. 為咗減低空氣嘅對流阻力，所以單車手柄採用咗方面前傾姿勢嘅形狀。
2. 為咗加速更加容易，單車骨架採用咗較輕身嘅材料製造。
3. 為咗減少同地面摩擦，以達到更高速度，所以使用較幼身嘅車呔。
喺日本賣嘅單車，通常可以依價格同用途作為選擇嘅標準。例如用於日常生活購物，少於5公里嘅返工返學路程嘅話，就可以買5萬円以下嘅單車；而每日以單車返學返工嘅路程多過5公里嘅話，就可以揀大概售價5至10萬円程度嘅單車；而如果想以參加比賽做目標嘅話，咁就要揀10萬円以上嘅單車喇。
喺日本睇單車公路賽！
如果嚟日本旅行時，想順便觀賞單車公路賽事嘅話，就可以參考下面嘅賽事資料！仲包括埋2020年東京奧運嘅單車賽事最近資料！
JAPAN CUP CYCLE ROAD RACE
喺日本單車之城・栃木縣宇都宮市，每年10月中都會舉行日本其中一個最大型嘅單車公路賽事。第一日會進行繞圈賽「Japan Cup Criterium」，而第二日就會有包括上斜路程嘅公路計時賽「Japan Cup Cycle Road Race」。
比賽日期： 2019年10月18～20日
Tour of Japan
日本最大規模嘅分段賽事。喺8日裡面行走約700至800公里嘅路程，非常正規嘅分段公路賽事。由大阪跨到東京，係喺日本國內唯一一個超個一星期規模嘅分段公路賽。大家可以喺日本親身到場睇呢個「Tour of Japan」
比賽日期：毎年5月尾
J Pro Tour
JBCF（全日本實業團單車競技連盟）舉辦嘅日本實業團賽事系列賽。由每年嘅2月至10月，係全日本各地進行一共22場比賽。由於係全日本各地舉辦賽事，可以喺唔同地方近距離觀戰係魅力之一。
比賽日期：每年3～11月
東京奧運
男子 賽事詳情
- 起點：武藏野森公園
- 終點：富士國際賽車場
- 總距離：：約244公里、比賽距離：約234公里（最初10公里為非賽事路段）
- 上斜總高度：約4,865米
女子 賽事詳情
- 起點：武藏野森公園
- 終點：富士國際賽車場
- 総距離：約147km、レース距離：約137km（最初10公里為非賽事路段）
- 上斜總高度：約2,692m
比賽日期：2020年7月25日、26日
除咗單車公路賽事之外，2020年東京奧運仲有BMX等單車競技項目。下次再繼續同大家分享，敬請留意。
Comments