日本德島縣「大步危峽」，位於吉野川中游嘅一段溪谷，已被指定為日本國家天然紀念物。於自然豐富嘅環境中，可以感受四季變化之美。另外仲有激流泛舟、划獨木舟等戶外運動，或健行，甚至搭觀光遊覽船等等，充滿各式各樣嘅旅遊魅力。
日本德島縣的大步危峽
日本德島縣「大步危峽」，可以觀賞到被指定為日本國家天然紀念物、由吉野川嘅湍急溪水沖刷而成嘅溪谷之美。呢個經年累月沖刷而形成嘅溪谷，隨著四季變化呈現唔同嘅美景。係全年都可以享受絕景嘅秘境景點。置身於被譽為日本第一激流嘅大步危峽急流、高低落差大嘅溪谷風景中，充分感受雄偉大自然，並嘗試刺激又驚險嘅體驗。
「大步危峽」必睇特色位
激流泛舟及划獨木舟名所
大步危峽被譽為日本第一激流，係世界上數一數二激流泛舟與划獨木舟名所。何不坐橡皮艇順著急流而下，嘗試一下刺激嘅體驗？
隨著四季變化嘅溪谷美景
春天，四月份可以欣賞到櫻花盛開。從3月下旬到5月底，可以觀賞到傳統「鯉魚旗」，鯉魚旗係用布仿造鯉魚造型嘅一種日本傳統裝飾物，喺日本兒童節嘅時候會掛出嚟。一到夏天綠油油嘅季節，可以望到有人玩激流泛舟。秋天嘅時候，色彩鮮艷嘅紅葉將整個溪谷點綴得非常壯觀，11月中旬到下旬係最佳觀賞時期。另外，呢個季節亦非常適合搭遊覧船或散散步。由12月到隔年2月，遊覽船上會裝上日本傳統取暖用具「暖桌（こたつ）」。可以坐係船上熱笠笠嘅暖桌裡面，慢慢欣賞化成「白雪妝」嘅溪谷。
「大步危峽」遊覽船
推薦你搭大步危峽嘅「大步危峽遊覽船」，可以近距離欣賞溪谷之美。船上導覽員嘅解說下，可以慢慢欣賞大步危峽嘅絕景。船隻運行時間由上午9點至下午5點之間不定時出發，全年無休。乘搭費用為成人1,200日圓、兒童（3歲到小學生）600日圓。船隻乘搭時間，來回約需30分鐘。
相關資訊
名稱：大步危峽遊覧船
- 地址：德島縣三好市山城町西宇1520
- 交通方式：東京站→[新幹線]約3小時20分→岡山站→[JR]約１小時50分→大步危站→[巴士]約５分鐘→大步危峽
- Wi-Fi : 無
- 語言：僅限日文
- 購票方式：現場售票處
- 信用卡：不可使用（僅限特產販賣店可以使用）
前往大步危嘅交通方式
如果從東京都內出發前往祖谷溪，首先於東京站搭新幹線（約3小時20分鐘）前去岡山站。再於岡山站搭JR特急列車，於大步危站落車（約1小時40分鐘）。從大步危站搭四國交通巴士（約5分鐘）於大步危峽站落車。
Comments