位於日本德島縣嘅「祖谷溪」，係一個被切割成深 V 字型嘅溪谷。可以欣賞陡峭嘅懸崖峭壁，以及呈現翡翠綠色嘅溪谷河流。一年四季各有不同醉人美景，當中最熱門嘅係秋天紅葉絕景，周圍山巒及樹林都被染成一片紅。
日本四國德島祖谷溪
日本德島縣三好市祖谷溪──位於德島縣西部祖谷川流域山區，係一個被切割成深V字型嘅溪谷。
溪谷有一條呈現翡翠綠色嘅祖谷川流過，從上方眺望，會深深著迷於它嘅美麗。春天可以賞櫻花、紫藤及杜鵑花；夏天可以望到一整片新鮮綠葉；秋天可以欣賞鮮豔嘅紅葉；冬天可以陶醉於如夢似幻「雪化妝」嘅景色。呢度可以飽覽日本四季變化分明嘅景觀。
祖谷溪必睇特色位
祖谷溪必睇特色係流經溪谷嘅翡翠綠色祖谷川絕景。可以感受大自然雄偉。景觀隨著四季，呈現變化分明嘅景觀。
祖谷川沿岸斷崖上方，有一個「尿尿小童」（小便小僧）銅像，據說係以前祖谷當地嘅小朋友，曾於此挑戰膽量，企係懸崖上小便。因此塑造了一尊尿尿小童嘅銅像，豎立於祖谷溪上。
祖谷蔓橋
「祖谷蔓橋」係一座橫跨祖谷川嘅吊橋，高14米、長45米、寬2米。呢座橋據說使用重達5噸「軟棗獼猴桃」嘅藤蔓所編織而成，藤蔓每三年會更換一次。
以前，人們只能經過懸崖先可以到達此處，但現今周圍環境嘅相關設施已整備完善，已變成可以乘搭大型巴士或自駕前往嘅景點。過橋嘅時候，每邁出一步就會發出吱吱聲，橋面仲會搖搖晃晃，驚險又刺激。成人票為550日圓、兒童票為350日圓。營業時間從日出到日落（依季節而異） ，全年開放。
祖谷溪溫泉旅館與酒店
被大自然環境擁抱著嘅祖谷溪有溫泉旅館、酒店和民宿等住宿設施。置身於擁有秘境之湯「祖谷溫泉」嘅旅館，邊浸溫泉邊眺望流經山谷嘅溪流。另外，仲有一個可以搭纜車抵達嘅露天浴池。何不來一趟「邊睇祖谷美景邊嘆溫泉」醉人之旅？
前往祖谷溪嘅交通方式
從東京都內前往祖谷溪，首先喺東京站搭新幹線（約3小時20分鐘），於岡山站落車。由岡山站搭JR特急列車，於大步危站落車。由大步危站搭乘四國交通巴士（約30分鐘）於祖谷溫泉前站落車後步行約5分鐘即可到達。
景點資訊
名稱：祖谷蔓橋
- 地址：德島縣三好市西祖谷山村善德162-2
- 交通方式：東京站→[新幹線]約3小時20分→岡山站→[JR]約１小時50分→大步危站→[巴士]約30分→祖谷溫泉前…步行約5分
- Wi-Fi : 無
- 語言：僅限日文
- 購票方式：現場售票處
- 信用卡：不可使用
Comments