日本佐賀縣伊萬里市嘅「大川內山」係著名嘅陶瓷之鄉。佐賀縣伊萬里市同有田市係日本代表性嘅瓷器產地，擁有約400年歷史。以前，大川內山專門製作進貢畀日本將軍嘅陶瓷器。而家就等FUN! JAPAN 為您介紹「大川內山」，呢個陶瓷之鄉擁有好多採用傳統工法建造嘅陶窯！
日本佐賀縣「大川內山」
佐賀縣伊萬里市嘅大川町山係擁有悠久歷史傳統嘅陶瓷之鄉。大川內山距離伊萬里市約10分鐘車程，位於群山環繞嘅山谷。以前，為咗製作進貢畀日本將軍嘅陶瓷器，好多優秀嘅工匠都聚集於此。當時製作嘅陶瓷稱為「鍋島燒」。時至今日，呢度生產嘅陶瓷器，係傳承咗鍋島燒傳統嘅「伊萬里燒」。
大川內山嘅伊萬里燒窯場
大川內山至今仍有大約30個燒製陶磁器嘅「窯元」(窯場)，每個窯場都繼承咗傳統工法，持續製作獨具個性嘅陶瓷作品。喺大川內山街道漫步同時，可以欣賞由以前留傳落嚟嘅傳統窯元，同埋附設陶瓷器展示空間嘅窯元建築物。喺「伊萬里燒鍋島會館」，有展示同出售各個窯場製作嘅作品。好適合買嚟做手信啊。
相關資訊
- 名稱：伊萬里燒鍋島會館
- 地址：佐賀縣伊萬里市大川內町乙1806
- 交通方式：羽田空港→[飛機]約1小時30分→九州佐賀國際機場→[巴士]約35分→佐賀站→[JR]（約40分）→有田站→[松浦鐵道]（約25分）→伊萬里站→[巴士]（約15分）→大川內山
- Wi-Fi : 有
- 語言：僅限日文（有中文、英文、韓文的導覽手冊）
- 營業時間：9:00～17:30
- 信用卡：可以使用VISA、Master Card、JCB、Diners
大川內山必睇景點
被群山環抱嘅大川內山，充滿季節變化之美，仲有好多季節性活動。例如春天有「陶器市」，行完陶器仲可以去附近賞櫻；夏天有「風鈴祭」，各個窯場都會展示自家製作嘅伊萬里燒風鈴；秋天就有可以欣賞紅葉嘅「秋祭」等等，有好多充滿魅力嘅活動。
前往大川內山的交通方式
由東京市區前往大川內山，可以由羽田機場搭飛機（約1小時30分鐘）前往九州佐賀國際機場。再由九州佐賀國際機場乘搭巴士（約35分鐘）於JR佐賀站落車。由佐賀站乘搭開往佐世保嘅JR長崎本線（約40分鐘），於有田站落車。由有田站轉乘松浦鐵道（約25分鐘）於伊萬里站落車。由伊萬里站搭開往大川內山嘅巴士（約15分鐘），喺大川內山站落車。
搭的士由有田站前往大川內山
由有田站搭的士至大川內山，約需25分鐘。由於伊萬里站出發巴士班次較少，如果喺有田地區觀光，建議利用的士會比較方便。
Comments