日本和歌山縣嘅高野山，係1200年前由空海和尚開山嘅日本佛教聖地。高野山有總本山金剛峰寺、高野山象徵「根本大塔」等等豐富景點。南海電鐵售賣嘅「高野山世界遺產車票」，係去到高野山觀光時非常值得用嘅PASS，無論係參拜門票定係買紀念品都有優惠，非常扺！
關於高野山世界遺產車票
「高野山世界遺產車票」套票內容包括由南海鐵路沿線各站前往高野山站嘅來回車票、高野山地區「南海臨海巴士」(立里線、高野・龍神線、高野・丹生都比賣線除外)嘅兩日自由乘車券。
此外憑票去買金剛峰寺、金堂、根本大塔、靈寶館嘅門票可享8折優惠；喺「珠數屋四郎兵衛」、「中本名玉堂」、「高野茶屋 和久」亦有買手信9折優惠券。此票有效期係2日，發售金額根據出發車站有唔同，如果由難波站來回高野山站嘅話，就慳咗620日圓！
車票售賣點
「高野山世界遺產車票」嘅發售地點係下列車站：南海難波車站（2樓服務中心・3樓特急券售票處）、新今宮、天下茶屋、住吉大社、堺、羽衣町、泉大津、岸和田、貝塚、泉佐野、尾崎、MISAKI公園(みさき公園)、和歌山大學前、和歌山市、臨空城(りんくうタウン)、關西機場、住吉東、堺東、三國丘、中百舌鳥、初芝、北野田、金剛、河内長野、林間田園都市、橋本。
「高野山世界遺產車票」建議路線
使用「高野山世界遺產車票」遊覽高野山嘅推介路線
由高野山站出發乘搭巴士，前往弘法大師長眠之處，即係高野山最大聖地「奧之院」。由第一座橋到御廟約2公里路程嘅參拜道上，有大約20萬座墓塚、供養塔同慰靈碑，非常值得一睇。奧之院境內占地廣大，大約需1個小時先行得完。參拜完之後，可以乘搭巴士前往金剛峰寺。
金剛峰寺主要觀賞重點係主殿大廣間嘅「隔扇畫」、日本國內最大嘅石庭等等。之後可以步行去根本道場「壇上伽藍」同其重要象徵「根本大塔」、仲有收藏咗好多國寶嘅「靈寶館」，最後係金堂。行哂就可以搭巴士返去高野山站。
南海電鐵各站
↓
1. 高野山站
↓
高野山站搭乘巴士約18分鐘，於「奥之院前」落車（出示「高野山世界遺產車票」可以免費乘車！）
↓
２.奥之院
↓
「奥之院」搭乘巴士約6分，於「千手院橋」落車（出示「高野山世界遺產車票」可以免費乘車！）
↓
於巴士站附近的「中本名玉堂」、「珠樹屋四郎兵衛」購買手信紀念品可享9折優惠！
↓
３. 金剛峰寺（出示「高野山世界遺產車票」可享門票8折優惠！）
↓
步行約5分鐘
↓
４. 壇上伽藍
↓
步行約5分鐘
↓
５. 靈寶館、6. 根本大塔 ７.金堂（出示「高野山世界遺產票」可享門票8折優惠！）
↓
巴士車程約15分、於「高野山站」下車（出示「高野山世界遺產門票」可以免費乘車！）
↓
於巴士站附近的「高野茶屋 和久」購買手信紀念品可享9折優惠！
↓
南海電鐵高野線 高野山站
Comments