日本佐賀縣有田町係非常出名嘅瓷器產地。喺有田町製造生產嘅瓷器稱為「有田燒」，係揚名國際嘅日本傳統工藝品。嚟到有田，仲可以欣賞宁立咗好多富歷史價值建築物嘅街道。不如嚟有田，揀番件鍾意嘅瓷器吧。
日本佐賀縣有田町出產「有田燒」
佐賀縣有田町位於佐賀縣嘅西部。有田町嘅西南至南一帶為連接長崎縣嘅縣界。呢個地方因為盛產日本傳統工藝品「有田燒」而聞名。公元17世紀初左右，喺在有田發現咗瓷土，係日本第一個燒製瓷器的地方。之後，正式生產瓷器，發展出一個叫做「有田千軒」嘅區域。
佐賀縣有田町嘅推介景點
有田一帶遍布咗好多生產瓷器嘅窯廠、商舖同埋藝廊展覽。一邊散步，一邊欣賞充滿風情嘅街道，仲可以享受購物樂趣。
有田街景常見嘅「TONBAI牆」
喺保留咗傳統建築嘅街道上面，可以見到「TONBAI牆（トンバイ塀）」。所謂嘅「TONBAI牆（トンバイ塀）」就係利用咗叫作TONBAI嘅廢棄防火磚，同埋用過嘅窯具、陶器碎片等材料，資源再利用，塗上紅土固定建造而成嘅圍牆。穿梭有田嘅街道時，可以喺後巷等較隱密嘅道路搵到呢啲牆嘅蹤跡。
踩單車遊覽有田町
有田町提供單車租借服務，分別可以喺町內嘅五個地方租借到單車。不妨可以踩單車，遊覽有田町嘅知名景點吧。租借時間為9:00～17:00，費用由500日圓起跳。
有田陶瓷市集
「有田陶瓷市集」主要售賣過時嘅瓷器製品，可以用平價買到瓷器唷。於每年4月29日至5月5日舉辦，舉辦期間，町內商店林立，日本各地會有超過120萬人前來共襄盛舉。當然唔只有過季嘅商品，就連當季商品喺市集舉辦期間都會以相當實惠嘅價格售賣。呢個市集賣嘅瓷器製品除咗價格合理，種類亦好豐富，每年都吸引好多人前來造訪。
前往有田嘅交通方式
從東京都內前往佐賀縣有田町嘅交通方式，可以由「羽田機場」乘搭飛機至「九州佐賀國際機場」（約1小時30分鐘）。再由機場搭乘巴士至JR「佐賀站」落車（車程約35分鐘)，轉搭JR特急電車至「有田站」下車（車程約40分鐘）。
景點資訊
- 景點名稱：KILN ARITA 觀光資訊中心（キルンアリタ観光案内所 ）
- 地址：佐賀縣西松浦郡有田町本町丙972-31
- 交通方式：羽田機場→[飛機]約1小時30分鐘→九州佐賀國際機場→[巴士]約35分鐘→佐賀站→[JR]約45分鐘→有田站
- Wi-Fi : 無
- 語言：英文
- 營業時間：9:00～17:00
- 承辦內容：觀光資訊介紹，預約出租自行車，當天預約導覽導遊
Comments