日本佐賀縣「嬉野溫泉」，已經有1300年歷史。嬉野溫泉小鎮上，老舖旅館林立，充滿懷舊氣氛。嬉野溫泉喺江戶時代，係長崎街道嘅宿場町(驛站城鎮)，繁榮一時；對日本西洋醫學好有貢獻嘅德國醫生「西博爾德 (Siebold)」都曾經造訪過呢度。由於浸完嬉野溫泉之後，肌膚可以變得水嫩光滑，所以呢度亦有「美肌之湯」嘅別稱。
日本佐賀縣嬉野溫泉
嬉野溫泉歷史悠久，喺八世紀嬉野地區歷史文獻中已經有記載。嬉野於江戶時代，係長崎街道驛站城鎮，盛極一時，現時溫泉街上仍保存咗好多傳統旅館。1826年，德國醫生「西博爾德 (Siebold)」亦曾造訪過此地。嬉野溫泉嘅溫度為攝氏85到90度之間，泉質係碳酸氫鹽泉、鹽化物泉。因含豐富碳酸氫鈉，具有去除角質、使肌膚柔滑嘅功效，所以嬉野溫泉亦有「美肌之湯」之稱。
嬉野溫泉嘅推薦景點
嬉野嘅溫泉街上，有提供即日來回溫泉設施嘅老舖旅館、公眾浴場同埋足浴。有豐富嘅設施，畀旅客盡情享受嬉野溫泉。
公眾浴場「Siebold之湯」
嬉野溫泉嘅公眾浴場「Siebold之湯」，係可以即日來回嘅浸溫泉設施。外觀係一座兩層高，哥德式風格嘅木造建築，裡面有大型浴池同可以包場嘅溫泉。營業時間為6點至22點。每每個月第三個星期三休息（如果係公眾假期就會順延至翌日休息）。費用為成人420日圓、小童210日圓。現場仲有出售浴巾同埋其他盥洗用品。
附近觀光景點
喺嬉野嘅附近地區，仲可以順道遊覽埋樹齡百年嘅櫻花樹「納戶料百年櫻」，同埋三段式瀑布「轟之瀑布」等優美自然景點。
相關資訊
- 名稱：Siebold之湯 (シーボルトの湯)
- 地址：佐賀縣嬉野市嬉野町下宿乙818-2
- 交通方式：羽田機場→[飛機]約1小時30分→九州佐賀國際機場→[巴士]約35分→佐賀站→[JR]約30分→武雄溫泉站→[巴士]約25分→嬉野巴士總站…步行約7分鐘
- Wi-Fi : 無
- 語言：僅限日文
- 購票方式：現場窗口
- 信用卡：不可使用
嬉野溫泉住宿
嬉野溫泉曾經係長崎街道嘅宿場町(驛站城鎮)，繁榮一時。流經溫泉街嘅嬉野川，其沿岸都仲有好多當年嘅住宿設施，至今仲營業中。有老舖旅館、度假式酒店等，各式各樣嘅住宿設施。其中大多數都有完善嘅溫泉設施。亦有一啲住宿設施，有提供房內溫泉嘅客房，又或者可以包場嘅浸浴溫泉。喺當地住宿期間，一定要品嚐當地美食，推介一定要食佐賀縣嘅名品牛「佐賀牛」、嬉野溫泉名物湯豆腐（用溫泉水製作豆腐）等等。
前往嬉野溫泉嘅交通方式
由東京市區前往嬉野溫泉，可以由羽田機場乘搭飛機(約1小時30分鐘)前往「九州佐賀國際機場」。由九州佐賀國際機場乘搭巴士(約25分鐘)於「JR佐賀站」落車。由佐賀站乘搭JR列車(約30分鐘)前往「武雄溫泉站」。由武雄溫泉站乘搭開往嬉野溫泉嘅JR巴士(約25分鐘)，喺「嬉野巴士總站 (嬉野バスセンター)」落車就到。
Comments