放假當然第一時間想出發去旅行、逃離高樓繁囂放鬆一下！時間有限想玩盡日本又唔想做功課？無問題！由南部「鹿兒島」、中部「松本」、到北部「札幌」的必去行程+精選美食好推薦盡在這裡！睇完連諗行程嘅時間都慳番啦！
先去訪一訪與活火山櫻島同一時空下的「鹿兒島」！
置身桃源仙景般嘅「仙巖園」 邊用午餐邊賞絕景
仙巖園於1658年建成、見證著三百多年日本歷史文化、更被列為世界文化遺產、充滿歷史價值已經非常值得一去。而且園內更可以直望到雄偉嘅櫻島、將絕景一覧無遺！一邊食飯、一邊欣賞無敵絕景、 體驗至高無上的享受、好讚讚喔。
必買手信盡在「天文館通商店街」
「天文館通」起源於1779年、當年興建了一座用用作天文觀測與研究曆法的「天文館」、因此以「天文館通」為商店街命名。此處係鹿兒島規模最大嘅繁華商店街、有各種賣手信嘅店舖、鄉土料理店、來走一圈「天文館通」、把鹿兒島必買手信都看個夠吧!
世界級美麗活火山「櫻島」盡收眼簾！
「櫻島」是一座活火山、早於2萬6千年前就誕生、即最近一次冰河時期結束前經已存在！而家已經成為鹿兒島市民的日常生活的一部份。無論隔海望過去欣賞定坐船到島上玩都好推薦呀。來一訪難得一見嘅活火山「櫻島」吧！
晚餐一定要去好好享受鹿兒島極品美食「黒豚」！
鹿兒島唔只景點、就連美食都好有歷史性。鹿兒島最出名嘅黑豚原來都有400年歷史、特徵係肉質口感香軟、爽口、鮮甜又滋味、令人一咬傾心。而黑豚料理都有各種款式、例如Shabu-Shabu、黑豚吉列豬扒、蒸籠蒸黑豚等料理、無論咩食法都享受到黑豚嘅美味！
下一個目的地、充滿歷史文化及藝術氣息嘅「松本」
黑白色相影襯、日本國寶「松本城」的雄偉
到松本第一站先去最有代表性嘅景點——松本城！長野縣松本市內嘅松本城係日本現存「五重六階天守」嘅建築風格之中最古老嘅日本國寶級古城、而且黑色城堡喺日本嚟講非常罕有。外壁塗黑嘅松本城以皚白雪山作為背景、黑白對比強烈、顯得松本城份外莊嚴、構成一個絕色美景！
行松本市繩手、中町商店街 感受日本今昔嘅歷史及藝術文化！
從松本城行10分鐘左右、就可以見到兩排有日本融合古今風格嘅建築林立嘅繩手或中町商店街、各種商店內可以買到松本嘅特產及手信、或者充滿日本風情嘅紀念品。行遠少少又有可以一睹草間彌生作品嘅松本市美術館、仲有松本市時鐘博物館、松本市民藝術館等藝術文化景點。
於標高1400米乳白色秘湯「白骨溫泉」優悠地浸溫泉
位於上高地和乗鞍附近的「白骨温泉」、佔地大而位置於深山、 當中最大的特徵係略呈現乳白色的泉水。乳白色泉水普遍都係強酸性居多、但白骨溫泉水係溫和嘅弱酸性（中性）、浸得好舒服。另外、因白骨溫泉水有治腸胃病嘅功效、煮成「溫泉粥」又特別又健康、去白骨溫泉不妨去覓食一番啦！
晚餐必食松本特產「投汁蕎麥麵」同「山賊燒」
長野縣嘅特產有蕎麥麵、各地方都有唔同食法、而「投汁蕎麥麵」就係源自松本奈川地區㗎。另外、蘋果都係松本嘅特產之一。小食方面有「山賊燒」即係松本式炸雞扒、都好有代表性。喺松本唔只食到當地特色美食、所屬縣長野縣嘅品牌牛——信州牛都可以食得到。
由南至北最後玩到終點站「札幌」！
札幌必去! 札幌地標+絕景「札幌電視塔」
去東京必訪「東京鐵塔」、 那去札幌就是必去「札幌電視塔」! 「札幌電視塔」建於1956年.可謂札幌的代表性地標。置身於展望台上可以360度飽覽札幌城景。大踏步來這.放鬆一下都市的急促節奏步伐吧!
去「藻岩山」吧! 俯瞰醉人萬千的璀璨夜景
藻岩山嘅夜景係北海道三大夜景之一。置身於標高531米的山頂上展望台、一望無際、視野清晰下俯瞰札幌的醉人夜景、讓人忘也忘不了。
札幌美食、讓你由早到晚、LUNCH到DINNER、一直吃也吃不夠！
北海道美食眾多、拉麵、湯咖喱、成吉思汗串燒等等吃一整天也吃不完!當然不得不提是海鮮！去到札幌必食海鮮是常識吧!當中特別推薦北海道盛產嘅蟹蟹、價錢比香港便宜很多、鮮甜美味又多汁、CP值超高一試難忘呀！
搭「FDA」嘅日本內陸航班 方便玩盡全日本
去旅行最怕是交通時間沒計算好、礙到旅遊時間玩得不夠透徹。仲有係當地轉機、轉電車定轉巴士等等都要做定功課好頭痕。乘搭日本國航機「FDA」省時又方便、於飛機上有機會遇上日本阿爾卑斯山的美景、讓你可以在交通移動中亦能享受多一個景點旅程。
睇多啲航班資訊先～
Comments