若然問起各位日本旅行時會想去嘅景點，唔知大家嘅腦海首先會出現啲咩地方呢？觀光名務？打卡cafe？定係最新潮點呢？當然，定番觀光景點都屬於必去之列，但我哋都有理由相信，產品豐富嘅日本便利店都係唔少人去旅行時嘅心水名單之一！事實上，日本國內首次有便利店出現嘅年份係1970年代前後。自日本首家便利店，大阪府「Mami」或愛知縣「Coco Store」（※眾說紛紜）開店以來，現時日本全國已有7-11、LAWSON、FamilyMart為首，截至2019年7月為止已有總數多達約56,000間唔同品牌便利店嘅分店。今日，一於就等我哋為大家介紹不可不知嘅日本文化之一—便利店啦！
一句講晒，日本便利店嘅○○數量原來係咁犀利！
日本可以話係便利店大國。相信你只要曾經去過日本旅行嘅話，都定必會驚訝酒店或車站內嘅便利店商品數量之多。唔講唔知，每間店舖內平均都會擺放著2,500至3,500皇產品，種類由食物、飲品至書籍、日常用品都一應俱全，而且據講每個禮拜都會有近100種新產品上架𠻹！另一方面，日本全國嘅便利店分店數目都非常驚人。例如2019年全國約56,000間便利店當中，就有7,400間及4,000間分別位於廣為遊客熟悉嘅東京與大阪內。雖然近10年便利店總數共錄得約15,000間增長，但大部分都位集中於大城市內，相反高知縣、島根縣、鳥取縣等縣則只有不足300間。
便利店無論係產品定店舖位置都日新月異，保證你盲算喺旅途中行多幾次都唔會悶呀！
便利店竟然有呢啲用途！？外國人感到震驚嘅日本便利店功能
雖然品牌各異，但其實日本便利店大致上都擁有類同功能。除咗售賣食物、飲品、零食等基本服務以外，由於大部分便利店都係24小時營業，因此顧客仲可以於任何時間內到店內支付各種生活費用、購買門券、寄送及簽收郵件、ATM提款、使用多功能影印機進行影印及掃瞄等，一站式解決日常生活中各種所需。除咗日本國民受惠，外國遊客亦可以到便利店使用民宿check-in、租借共享單車、使用免費Wi-Fi及免稅購物等外貼心服務。鑑於近年遊日旅客人數節節上升，多個便利店品牌更積極喺原本豐富嘅產品種類以外，喺遊客地區嘅分店內加推大受海外遊客歡迎嘅品牌化妝品及地區限定手信等產品𠻹
便利店今後嘅進化實在係令人非常期待呀！
不斷進化嘅便利店王國
隨著時代進步，日本便利店動向亦出現唔少新變化。因365日24小時全天候營業嘅日本便利店，近年就因為受人手不足問題困擾（尤其深夜時段），而令到唔少品牌都相繼重新檢討24小時營業方針。其一對策，就係增加採用外國藉員工。特別係東京及大阪等地，便利店外國藉員工更係大幅顯著增加，據講現時盲有超過55,000人為外勞。同一時間，為咗削減人工支出，部分品牌亦開始引入「無人收銀處」、「自助收銀處」，又或增設售賣自家產品嘅「自動販賣機」形式分店，並推廣AliPay及LINE PAY等電子貨幣，可以話係便利店與科技時代並進！
可能你下次再去日本旅行嘅時候，話唔定便利店已經唔再係你再熟悉嗰種模樣！？
陸續有嚟！地區限定便利店品牌
除咗坐擁全國分店嘅大企業品牌以外，便利店業界內其實都有唔少北至北海道、南至沖繩嘅地區限定份子。當中份外著名嘅包括有北海道獨有嘅中でも特に有名なのが北海道にしかないSeico Mart、主要喺JR車站開分店嘅NewDays、又或店舖數目雖然唔及大企業但依然有一定程度粉絲嘅Daily Yamazaki及Poplar等待。唔知你有聽過上面幾多間呢？下次去日本旅行嘅時候，你都不妨嚟一趟遊客指定動作「便利店巡禮」，為你嘅旅程增加多一份樂趣啦！
FUN! JAPAN內仲有更多介紹日本便利店嘅文章㗎！有時間請多多支持吖。
- 7-11：擁有最多分店！日本便利店業界龍頭大佬7-11
- LAWSON：每次推出新商品都成為熱門話題！連遊客都鍾意嘅LAWSON
- FAMILY MART：明明海外已經有咁多分店，點解日本嘅FamilyMart依然都係咁值得去？
- MINISTOP：全線店舖都設有內用空間!?日本5大便利商店之一「MINSTOP」
- NEWDAYS：去便利店都可以買到失心瘋！JR車站內嘅「NewDays」係kawaii商品嘅寶庫！？
Comments